Unačy rasijanie atakavali «Šachiedami» Ukrainu. Bolšaść dronaŭ źbili
Hetaj nočču ŭ mnohich rehijonach Ukrainy — Kijevie i vobłaści, Sumskaj, Zaparožskaj, Adeskaj abłaściach — znoŭ była pavietranaja tryvoha i hučali vybuchi. Pra vyniki paviedamili ŭłady Adeskaj vobłaści i Kijeva, piša Bi-bi-si.
Pradstaŭnik vajskovaj administracyi Adeskaj vobłaści Siarhiej Bratčuk paviedamiŭ, što ŭ Adesu prylacieła 15 Shahed-136, 12 ź ich byli źniščanyja, try trapili ŭ internat «adnoj z navučalnych ustanoŭ» (u sacsietkach byli niepaćvierdžanyja paviedamleńni, u jakich zhadvałasia Vajskovaja akademija). Bratčuk piša, što «ludzi nie paciarpieli», a pažar byŭ patušany.
Kijeŭskaja haradskaja vajskovaja administracyja vusnami svajho kiraŭnika Siarhieja Papko paviedamlaje, što za čatyry nočy maja Kijeŭ pieražyŭ užo treciuju kompleksnuju ataku.
Užyvalisia jak «Šachiedy», tak i «rakiety, vierahodna balistyčnaha typu», kolkaść ich pakul nie ŭstanoŭlenaja.
Usie jany byli źbityja, achviar siarod mirnaha nasielnictva i razbureńniaŭ nie było, paviedamlaje administracyja.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca5
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary