Razbureńnie Kachoŭskaj HES było b niemahčymym, kali b rasijskaja armija nie ŭvarvałasia va Ukrainu, a tamu jakraz RF adkaznaja za toje, što zdaryłasia, pra heta zajavili ŭ Vašynhtonie.
Pres-sakratar Biełaha doma Karyn Žan-Pjer zajaviła, što ZŠA praciahvajuć aceńvać pryčyny razbureńnia HES. Pa jaje słovach, hetaha b nie adbyłosia, kali b RF nie napała na Ukrainu, a tamu adkaznaść za katastrofu lažyć na Rasii, jakaja kantralavała stancyju, pra heta piša «Ukrainskaja praŭda».
«My praciahvajem aceńvać, što adbyłosia. My razmaŭlajem z ukraincami. Razbureńni i rujnavańni, jakija my bačym, raźbivajuć serca. My zrobim usio mahčymaje, kab dapamahčy narodu Ukrainy… Hetaja płacina znachodziłasia pad kantrolem Rasiei. I jana niasie adkaznaść za razbureńni, vyklikanyja hetaj vajnoj».
U noč na 6 červienia rasiejcy ŭzarvali Kachoŭskuju hidraelektrastancyju, razburyŭšy mašynnuju zału i płacinu, stancyju niemahčyma adnavić.
Padryŭ Kachoŭskaj HES vyklikaŭ ekałahičnuju katastrofu. Vada z vadaschovišča pačała zataplać harady i vioski, pačałasia evakuacyja. U vyniku padryvu damby Kachoŭskaj HES pačalisia prablemy z padačaj vady ŭ Kryvym Rohu, Marhancy i Nikapali.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary