U Biarezinskim rajonie znoŭ pradajuć siadzibu Patockich, źnižka — 80%
Na sajcie Minskaha abłasnoha vykanaŭčaha kamiteta źjaviłasia abviestka ab prodažy z aŭkcyjonu siadzibnaha doma hrafaŭ Patockich u Biarezinskim rajonie.
Dom, jaki ličycca pomnikam architektury, pabudavany ŭ siaredzinie XIX stahodździa. Jaho płošča pieravyšaje 444 kv. mietraŭ.
Tarhi zapłanavanyja na 21 červienia na elektronnaj handlovaj placoŭcy «BUTB-majomaść». Padać zajaŭku možna da 15:00 piatnicy, 16 červienia.
Za hety dom chočuć atrymać 28,4 tysiačy rubloŭ, što na 80% mienš pačatkovaj cany.
Akramia ŭłasna budynka, ź im u arendu na 50 hadoŭ zdajecca ziamielny ŭčastak płoščaj 0, 504 ha. Terytoryju možna vykarystoŭvać u tym liku dla akazańnia turystyčnych pasłuh, ale častka ŭčastka raźmieščana ŭ vodaachoŭnaj zonie Biareziny, što nakładaje peŭnyja abmiežavańni.
Budynak užo sprabavali pradać vosieńniu 2022 hoda, ale pakupnika na nieruchomuju majomaść nie znajšłosia.
Bialacki: Nie treba śpiašacca admianiać sankcyi. Bo heta budzie ŭspryniata režymam jak jaho pieramoha i słabaść Jeŭropy15
Kamientary
Nie tolko ‘'kucharka'' , no i ‘'kołchoźnik'' javno nie možiet , no i nie dołžien upravlať hosudarstvom.