U Minsku 21 červienia adnaviŭ pracu vizavy centr Ispanii, adnak svabodnyja miescy dla padačy ŭžo razabrali. Pra heta paviedamlaje partał Tochka.by.
21 červienia vizavy centr vystaviŭ pieršyja daty dla zapisu na padaču viz, ale ich vielmi chutka praktyčna ŭsie razabrali prahramisty dla vizavych ahienctvaŭ.
«Vielmi vialiki popyt na Ispaniju, a miescaŭ pakul vielmi mała. Tak, mnohija zajaŭniki [da adkryćcia vizavaha centra] padavali zajaŭki ŭ [vizavyja] ahienctvy», — padzialilisia śpiecyjalisty turahienctva.
Na sajcie centra paznačana, što jon adkryŭsia ŭ ofisie pa vuł. Tałstoha, d. 8, korp. 2, pavierch 2. Čas pryjomu ŭ centry — z 9 da 16 hadzin, a vydačy pašpartoŭ — z 12 da 16 hadzin.
Paśla adnaŭleńnia pracy vizavaha centra Ispanii ŭ Minsku terminy hatoŭnaści vizy nie pavinny mocna źmianicca: konsulstva, jakoje prastaŭlaje vizavyja nalepki, usio adno znachodzicca ŭ Maskvie. Prykładna heta zojmie dva tydni.
Adnosna taho, kali možna budzie padać dakumienty na vizu ŭ hety centr, to pa łohicy, kažuć śpiecyjalisty, mohuć źjavicca miescy i na apošni tydzień červienia. Kali heta adbudziecca, niezrazumieła. Mahčyma, zapis adkryjecca navat zaŭtra ci paślazaŭtra. Ale ŭ samim vizavym ahienctvie prapanujuć nie spadziavacca na chutkuju padaču, svaich klijentaŭ śpiecyjalisty aryjentujuć na lipień-žnivień. I jašče nieviadoma, ci budzie realna padać dakumienty samastojna, biez pasiarednikaŭ.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ92
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary