«Kažuć, što ja špijon». Byłoha biełaruskaha pamiežnika zatrymali ŭ Litvie i mohuć departavać
Ivana Straškieviča zatrymali ŭ Litvie i mohuć departavać u Biełaruś, dzie jamu pahražaje turma. Litoŭskija słužby padazrajuć jaho ŭ špijanažy. Jon zvolniŭsia sa słužby ŭ 2019 hodzie i vystupaŭ suprać režymu Łukašenki, piša «Radyjo Svaboda».
Słužyŭ u «pamiežnym śpiecnazie», try hady žyŭ u Polščy
Ivanu Straškieviču 29 hadoŭ. Naradziŭsia ŭ miastečku Kreva Smarhonskaha rajona. Dva hady adsłužyŭ u vojsku ŭ pavietrana-desantnaj bryhadzie ŭ Bieraści. Potym pierajšoŭ na kantrakt u pamiežnyja vojski. Tam słužyŭ jašče 3,5 hoda ŭ adździele padvyšanaj bajavoj hatoŭnaści ŭ Smarhoni.
Jak patłumačyŭ Ivan «Svabodzie», paśla słužby ŭ desancie jon chacieŭ abaraniać ludziej. Jamu prapanoŭvali słužyć u AMAPie, adnak pieraškodaj stali administracyjnyja spravy, zaviedzienyja na jaho za raśpivańnie ałkaholu na vulicy i pierachod čyhunačnych puciej u niedazvolenym miescy.
«U prostyja pamiežniki ja b nie pajšoŭ. A ŭ pamiežnaj čaści, dzie słužyŭ brat, byŭ adździeł padvyšanaj bajavoj hatoŭnaści, tak zvany «pamiežny śpiecnaz». Ja pamiataŭ słovy treniera «Słužyć, dyk u elicie», i pajšoŭ tudy», — raskazaŭ były pamiežnik.
Straškievič zvolniŭsia ŭ 2019 hodzie, bo jamu nie padabałasia, jak adbyvajecca kiravańnie Uzbrojenymi siłami. Tady ž źjechaŭ u Polšču i pražyŭ tam try hady. Atrymaŭ polski dazvoł na žycharstva.
«U Polščy ja vydatna žyŭ i dobra zarablaŭ. Pracavaŭ i aŭtadetajleram, i elektrykam, i kaardynataram u ahienctvie pa pracaŭładkavańni. U Polščy mnie vielmi padabałasia, ja viedaju polskuju movu, pradzied byŭ palakam», — raskazvaje Ivan.
Apošni raz jon pryjazdžaŭ u Biełaruś na pačatku 2020 hoda. Potym, sa słoŭ Straškieviča, jaho pačali pieraśledavać za palityčnuju pazicyju. Baćkam nazyvali niekalki kryminalnych artykułaŭ na syna, u tym liku «Raspalvańnie varožaści».
«Prychodzić da baćkoŭ z dopytami, pieratrusami i pa mianie pačali paśla pieršaha mitynhu ŭ Varšavie ŭ padtrymku aryštavanych kandydataŭ u prezidenty. Ja tam niekalki intervju daŭ, u tym liku «Biełsatu». Byŭ u formie desantnika, pakazvaŭ, što vajskoŭcy, jakija dumajuć hałavoj, z narodam», — raskazvaje Ivan.
«Ja zakonaŭ nie parušaŭ»
U Straškieviča ciapier jość advakat, jaki zajmajecca jahonaj spravaj. Advakat abskardžvaje admovu ŭ vizie i padazreńnie ŭ niebiaśpiecy Straškieviča dla Litvy. Kali sud vyniesie rašeńnie pa hetych pytańniach, Ivan nie viedaje.
«Sud pryniaŭ abskardžvańnie i zapatrabavaŭ ad uładaŭ dokazaŭ, za što mianie paličyli niebiaśpiečnym. Šancy zastacca na voli, mnie zdajecca, vialikija. Ja zakonaŭ nie parušaŭ, zaŭsiody lehalna (za miažoj) znachodziŭsia i pracavaŭ, svoječasova vyrašaŭ usie pytańni. Pytańnie, što ŭ hałovach u ludziej, jakija mianie zakryli», — kaža biełarus.
«Svaboda» dasłała zapyt mihracyjnaj słužbie Litvy z pytańniem pra status Ivana Straškieviča i imaviernaść jahonaj departacyi ŭ Biełaruś. Tam paviedamili, što «infarmacyju pra status uciekača moža atrymać tolki čałaviek, jaki padaŭsia na ŭciakactva. Heta infarmacyja kanfidencyjnaja».
-
Biełarus z prablemami ź psichikaj staŭ u Rasii naminalnym dyrektaram. A jak sprava nakryłasia, zabrali na front — u adzin kaniec
-
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
-
«Kibierpartyzany» i hrupa Silent Crow zajavili pra ŭzłom Rasstata i atrymańnie danych pra vajennyja straty
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich17
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary