Jak sumiaščać ałkahol i treniroŭki i najmienš škodzić arhanizmu

(Imia miedyka nie pryvodzicca ź mierkavańniaŭ biaśpieki.)

Ałkahol i treniroŭki — sumiaščać ci nie?

Etanoł, jaki ŭtrymlivajecca ŭ ałkaholi, jość mocnym taksinam. Kali jon traplaje ŭ arhanizm, usie ŭnutranyja sistemy pačynajuć pracavać na toje, kab niejtralizavać «atrutu» i chutčej jaje vyvieści. Kab razumieć, što adbyvajecca z vami padčas kaktejlnaj viečarynki, treba viedać try etapy, jak adbyvajecca apjanieńnie i dalejšaje ačyščeńnie.

Pieršy etap. Ałkahol traplaje ŭ kroŭ, usmoktvajučysia praź ścienki straŭnika i dvanaccacipiersnaj kiški. Chutkaje apjanieńnie «na hałodny straŭnik» tłumačycca hetym pryncypam usmoktvańnia — źjedzienaja ježa zaminaje kantaktu ałkaholu sa ścienkami straŭnika i tonkaj kiški, ale, kali vy zabylisia pajeści, hetaha barjera ŭ vas niama i śpirt usmoktvajecca praktyčna imhnienna.

Druhi etap. Čałaviek pačynaje adčuvać apjanieńnie praz 15—30 chvilin paśla ŭžyvańnia śpirtnoha, kali ałkahol traplaje ŭ kroŭ. Na stadyi transparciroŭki krovazvarotu patrebna tolki 90 siekundaŭ, kab zrabić poŭny kruh i danieści etanoł da ŭsich sistem arhanizma.

Treci etap. Piečań pačynaje vypracoŭvać fiermienty, jakija rasščaplajuć śpirt, i zapuskajecca praces detaksikacyi. Siaredniaja chutkaść, ź jakoj toje, što vypili, vyvodzicca z arhanizma, składaje 0,10—0,16 pramile za hadzinu, ale dakładny čas zaležyć nie tolki ad kolkaści śpirtu ŭ kryvi, ale i ad asablivaściaŭ pracy arhanizma ŭ cełym.

Pavialičyć

Paskoryć praces detaksikacyi niemahčyma. Praz pot, maču i dychańnie vychodzić tolki kala 10% ałkaholu. Kava i chałodny duš mohuć dać pačućcio badzioraści, adnak nie vyvieduć etanołu. Tak, darosłamu čałavieku siaredniaj kamplekcyi spatrebicca siem hadzin, kab poŭnaściu ačyścić svoj arhanizm ad troch kaktejlaŭ z 5% ałkaholu ŭ sastavie.

Arhanizm sprabuje dać rady nastupstvam atručvańnia, i dadatkovaja fizičnaja nahruzka moža jaho pierahruzić. Tamu pamiž umieranaj vypiŭkaj i treniroŭkaj pavinna prajści nie mienš za čatyry hadziny, a lepš naohuł adkłaści zaniatki na 25 hadzin.

Jak zachavać zdaroŭje, kali vypiŭ pierad treniroŭkaj

Ałkahol dziejničaje jak mačahonnaje, i jaho ŭžyvańnie moža pryviesci da dehidratacyi. Źmianšeńnie vadkaści ŭ krovazvarocie ŭpłyvaje na častatu sardečnych skaračeńniaŭ, tamu na kožnuju porcyju ałkaholu varta vypivać adnu šklanku vady — jana abaronić ad abiazvodžvańnia. Pačućcio smahi na treniroŭcy taksama lepš spatalać čystaj vadoj pakajovaj tempieratury. 

Pavialičyć

Kab nie naškodzić sardečna-sasudzistaj sistemie, idealnaja treniroŭka paśla viečarynki pavinna być nizkaintensiŭnaj — na pulsie 60—70% ad formuły «220 minus uzrost». Tak, častata sardečnych skaračeńniaŭ dla paślaałkaholnaj treniroŭki čałavieka 30-ci hadoŭ pavinna skłaści 114—133 udary za chvilinu.

Choć ałkahol źmiaščaje vialikuju kolkaść kałoryj, vykarystać ich dla vypracoŭki enierhii nie atrymajecca. Treba sačyć za racyjonam i nie zabyvać jesci jak padčas užyvańnia śpirtnoha, tak i paśla treniroŭki.

Akramia taho, ałkahol uskładniaje zasvajalnaść karysnych rečyvaŭ ź ježy. Kab padtrymlivać dastatkovy ŭzrovień enierhii, zabiaśpiečcie siabie ježaj, bahataj na vuhlavody, białki i tłuščy. Rekamiendujecca pajeści praz 30—45 chvilin paśla zaniatkaŭ sportam i nie zabycca pra šklanku vady.

Važna pamiatać, što ałkahol — heta depresant, jon moža ŭpłyvać na pracu mnostva sistem. Zvyčajna paśla ŭžyvańnia śpirtnoha źmianšajecca ciahavitaść, siła i chutkaść reakcyi, što moža pryvieści da traŭmaŭ padčas zaniatkaŭ sportam. Tamu, vyrašajučy pajści ŭ zału paśla burnaj nočy, nieabchodna prysłuchacca da svajho arhanizma ci zastacca doma, kab papoŭnić svaje siły i nie naškodzić zdaroŭju.

• 4
• 0
• 1
• 1
• 2
• 2
• 0
• 0