Azaraŭ raskazaŭ, što dyviersiju ŭ Mačuliščach «Bajpoł» pravioŭ razam z SBU i paśla hetaha straciŭ finansavańnie
Alaksandr Azaraŭ u intervju błohiercy Taćcianie Martynavaj raskazaŭ, chto, aproč «Bajpoła», stajaŭ za apieracyjaj u Mačuliščach i čamu paśla hetaha ŭ arhanizacyi pačalisia prablemy.
Alaksandr Azaraŭ kaža, što ŭ lutym u «Bajpoła» skončyłasia finansavańnie, jaho nie praciahnuli.
«U lutym «Bajpoł» udzielničaŭ u apieracyi pa paškodžańni samalota A-50. Ciapier ja ŭžo mahu skazać, što heta była apieracyja nie tolki «Bajpoła» — my akazvali sadziejničańnie SBU, heta była sumiesnaja apieracyja. U toj momant nam havaryć nielha było», — raspavioŭ Azaraŭ.
Svaje supiarečlivyja zajavy ŭ dzień dyviersii jon patłumačyŭ tym, što ich arhanizacyja spačatku vyrašyła nie pryznavać datyčnaść da padryvu samalota («bo praviadzieńnie [takich] akcyj u Biełarusi ŭsprymajecca admoŭna siarod našych partnioraŭ za miažoj»), ale paśla pieramoŭ z ukrainskimi partniorami vyrašyli ŭziać adkaznaść na siabie, nie zhadvajučy ŭkrainski bok.
«I paśla hetaha ŭ nas pačalisia vielizarnyja prablemy. Finansavańnie całkam było spyniena. Našy mižnarodnyja partniory, donary, kazali «Alaksandr, ty małajčyna» za vuhłom, a kali vychodzili niekudy pry hramadskaści — «My z vami mieć adnosin nie možam, usio, finansavańnia bolš u vas nie budzie», — dzielicca Azaraŭ.
Pa jaho słovach, praz adsutnaść finansavańnia pačalisia prablemy i ŭ kalektyvie, bo ludzi patrabavali zarobki.
Viadučaja strymu spytała, ci praŭda, što Azarava vyklikali polskija śpiecsłužby.
«Ja nie budu ŭdakładniać, ale skažu, što praviadzieńnie akcyj z terytoryi Polščy na terytoryi Biełarusi — heta faktyčna padrychtoŭka vajny zamiežnaj dziaržavaj, u hetym vypadku Polščaj u Biełarusi. Adpaviedna lubyja akcyi, jakija płanujucca z Polščy, Litvy, Łatvii na terytoryi Biełarusi, zabaronienyja miascovymi śpiecsłužbami, i praviadzieńnie ich, miakka kažučy, nie vitajecca», — adkazaŭ były siłavik.
Dyviersija na aeradromie ŭ Mačuliščach adbyłasia 26 lutaha. Byŭ paškodžany kaštoŭny rasijski samalot-łakatar A-50, ź jakoha ažyćciaŭlałasia naviadzieńnie rakiet na celi va Ukrainie. Alaksandr Azaraŭ u toj dzień zajaviŭ, što heta sprava ruk biełaruskich partyzanaŭ i što samalot byŭ atakavany dvuma dronami. Jon taksama śćviardžaŭ, što ŭsie vykanaŭcy ŭ biaśpiecy. Łukašenkaŭcy nie pakazvali samalot niekalki dzion, paźniej apublikavali viečarovyja kadry ź im, a paśla samalot adpraviŭsia na ramont u rasijski Tahanroh.
Paśla dyviersii prajšli šmatlikija zatrymańni: siłaviki paviedamlali pra bolš za 20 aryštavanych biełarusaŭ. Zatrymali taksama ŭkrainca Mikałaja Šviaca i zajavili pra datyčnaść SBU da dyviersii. Siłaviki traktavali akcyju jak akt teraryzmu.
Čytajcie taksama:
«Bajpoł»: Samalot DRŁV A-50 byŭ padarvany ŭ dvuch miescach, jany pakazanyja na fotaNa ANT vypuścili film pra «sietku SBU» ŭ Biełarusi
Kaho mienavita zatrymali ŭ vioscy Čarciaž? Heta siamiejnaja para, u ich dvoje dziaciej
Novyja padrabiaznaści pra ataku na samalot u Mačuliščach: prapahandysty nazvali novyja imiony
-
«Dziesiacihadovaje dzicia AMAP pakładzie ŭ padłohu?» Treš-błohier Mellstroy adreahavaŭ na pryznańnie siabie ekstremistam
-
Biełarusa niekalki miesiacaŭ pierakidali ad doktara da doktara i nie chacieli špitalizavać, pakul naha nie pačała hnić
-
Cichanoŭskaja nazvała pryznačeńnie Koŭła «abnadziejvajučym krokam»
Ciapier čytajuć
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»44
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały66
«U turmie ja lubiŭ vynosić śmiećcie». Historyja Mandeły, jaki razumieŭ, što niemahčyma zamanić voraha ŭ zasadu, kali nie viedaješ, jak myślać jaho hienierały6
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch1515
Kamientary