Mižnarodnaja fiederacyja fiechtavańnia prypyniła dyskvalifikacyju ŭkrainskaj spartsmienki za admovu paciskać ruku rasijancy
Vykankam Mižnarodnaj fiederacyi fiechtavańnia (FIE) prypyniŭ dyskvalifikacyju Volhi Charłan na čempijanacie śvietu ŭ Miłanie. Raniej jaje nakłali za toje, što ŭkrainka admoviłasia paciskać ruku rasijancy Halinie Śmirnovaj paśla vyjhranaha ŭ jaje pajadynku.
Paśla pajadynku rasijanka padyšła da Charłan z praciahnutaj rukoj, ale Volha Charłan vystaviła šablu napierad i niešta skazała svajoj apanientcy.
Pavodle praviłaŭ FIE, «admova fiechtavalščyka pryvitać supiernika, refiery i hledačoŭ da pačatku pajadynku abo paśla apošniaha ŭdaru karajecca čornaj kartkaj (dyskvalifikacyjaj)». Ale niama dakładnaha apisańnia, ci majecca na ŭvazie mienavita pocisk ruki.
Spačatku było pryniata rašeńnie ab dyskvalifikacyi ŭkrainskaj spartsmienki, joj pahražała adchileńnie na 60 dzion ad usich turniraŭ. Ale pakolki vypadak nabyŭ vialiki rezanans, to ciapier raniejšaje rašeńnie pierahledžanaje, pryčym kab abyści praviły, znajšli cikavy vychad.
U rašeńni adznačajecca, što Charłan mieła prava nie cisnuć ruku Śmirnovaj pavodle dziejnaha na turniry kavid-pratakoła. I ŭvohule fiederacyja rascaniła žest sa špahaj u kancy jak vitańnie.
Takoje rašeńnie FIE pryniała nie sama saboj, a pad upłyvam zakliku MAK, jaki ŭmiašaŭsia ŭ situacyju. Jon navat kvalifikavaŭ Volhu Charłan na Alimpijadu-2024 niahledziačy na toje, što jana nie zmahła z-za hetaj situacyi prajści adbor.
Ciapier ukrainka zmoža vystupić u kamandnym turniry, jaki projdzie 29 lipienia. Charłan patrapiła ŭ zajaŭku kamandy. Rasija i Biełaruś da kamandnaha turniru nie dapuščanyja.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary