Siezon cichaha palavańnia ŭ razhary. Adnak jość i pieršyja achviary atručvańnia hrybami. Dla atručvańnia chopić 1-2 hrybkoŭ. Abo navat nievialikaha kavałačka, jaki ścipła trapiŭ u šerahi jadomych sabrataŭ. Minsk-naviny raspytali, što rabić pry atručvańni hrybami.
— Simptomy atručvańnia hrybami vyjaŭlajucca, jak praviła, u pieršyja hadziny paśla ŭžyvańnia ŭ ježu, — adznačaje doktarka-hihijenistka Valancina Kapanovič. — Chutčej za ŭsio ad muchamoraŭ — užo praz paŭhadziny, ad biełaj pahanki, a taksama ad umoŭna jadomych smaržkoŭ — na praciahu niekalkich hadzin. Kliničnaja karcina anałahičnaja z charčovym atručvańniem: bol u straŭniku, pavyšanaja tempieratura, vanity, młosnaść, dyjareja, chałodnyja kaniečnaści. Ale jość i adroźnieńni, da prykładu, zvužeńnie zrenak (pry atručvańni muchamorami) abo pašyreńnie (biełaj pahankaj).
Što rabić? Pieršaje i hałoŭnaje praviła — vyklikać chutkuju. Bo biez akazańnia ekstrannaj miedycynskaj dapamohi ryzyka śmiarotnaha zychodu vyrastaje da 90%, kali pakaštavaŭ blednuju pahanku, — i 50% — kali ŭ spravie ŭdzielničaŭ muchamor.
Druhoje nie mienš važnaje praviła (pakul čakajecie chutkuju dapamohu): pramyjcie straŭnik.
— Abaviazkova vialikaj kolkaściu vady — ad litra i bolš, vanity vyklikać da čystych pramyŭnych vod, – instruktuje Kapanovič. — Pryniać preparaty — sarbienty, padydzie navat usim znajomy aktyvavany vuhal. Nie zabyvajem pra mocny sałodki čaj, minierałku biez hazu. Paśla mocnych vanitaŭ pitvo pa schiemie «nie bolš za 1 stałovaj łyžki za pryjom». Zabiaśpiečyć paciarpiełamu spakoj.
Ciapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3535
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha35
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary