Brazilija aktyŭna prasoŭvaje źniaćcie sankcyj ź biełaruskaha kaliju
Jeŭrasajuz nibyta moža źmiakčyć sankcyi suprać biełaruskaha kaliju z-za łabizmu niekalkich krain, vykazaŭ spadziavańnie brazilski pasoł u Biełarusi Biernard Žorh Leapold de Harsija Klinhł, vystupajučy na kanale «Biełaruś 1». Dypłamat adznačyŭ, što Brazilija sprabuje abyści abmiežavańni, uviedzienyja suprać kalijnaj haliny.
«My razmaŭlajem ź Jeŭrapiejskim sajuzam i ZŠA, kab danieści da ich usiu składanaść i dalikatnaść hetaj situacyi.
Brazilija źjaŭlajecca čaćviortym u śviecie vytvorcam sielskahaspadarčaj pradukcyi. Dla mnohich inšych krain pastaŭki kalijnych uhnajeńniaŭ taksama majuć vialikaje značeńnie. Tamu vielmi važna zachavać kanały pastavak, kab zabiaśpiečyć charčovuju biaśpieku, uziać pad kantrol inflacyju i nie dapuścić rostu cen.
Inšy napramak našych namahańniaŭ — heta vyrašeńnie pytańniaŭ, jakija tyčacca apłaty pastavak pradukcyi. Łahistyčnyja pytańni zaraz nie tak vostra stajać. Pradukcyja ź Biełarusi moža pieravozicca praz rasijskija party.
Ciapier, viadoma, my bačym ciažkaści z-za taho, što Biełaruś pad sankcyjami. My robim usio mahčymaje, kab abyści hetyja pieraškody i vyjści na naležny ŭzrovień handlu», — adznačyŭ pasoł.
Raniej nieadnarazova paviedamlałasia, što Jeŭrasajuz moža źmiakčyć sankcyi suprać biełaruskaha kaliju z-za łabizmu niekalkich krain, u tym liku Partuhalii, jakaja ŭ hetym pytańni pradstaŭlaje intaresy Brazilii.
Ciapier čytajuć
Na Minskim paŭmarafonie pamior 50‑hadovy biahun. Voś što viadoma pra Alaksieja Dašynieviča12
Kamientary