Pa-biełarusku ŭ Biełarusi vučacca kala 10% školnikaŭ. Navat pry kancy SSSR było 22%
Kala 10% školnikaŭ u Biełarusi vučacca na biełaruskaj movie, paviedamiŭ ministr adukacyi Andrej Ivaniec u efiry prahramy «Vopros nomier odin» na telekanale «Biełaruś 1».
Pavodle Ivanca, 40% škoł u Biełarusi — biełaruskamoŭnyja.
«Napeŭna, chtości skaža, što vielmi vialikaja ličba i štości tut nie tak, — skazaŭ Ivaniec. — Tak, kali kazać pra kolkaść dziaciej, jakija vučacca ŭ hetych 40% škoł — heta kala 10%. Čamu? Tamu što heta pieravažna viaskovyja škoły, u jakich tradycyjna prachodziać navučańnie na biełaruskaj movie».
Taksama Ivaniec zhadaŭ, što siońnia prykładna kožny piaty vypusknik škołaŭ abiraje pry zdačy ekzamiena pa dziaržaŭnaj movie biełaruskuju.
«My miarkujem, što heta davoli dobraja ličba, jakaja ŭsialaje aptymizm. Ale heta nie havoryć pra toje, što my nie pavinny nadavać asablivuju ŭvahu vyvučeńniu našaj kultury i našaj movy», — skazaŭ ministr.
Pry kancy isnavańnia SSSR pa-biełarusku vučylisia 22 pracenty dziaciej. U siaredzinie 1990-ch na chvali nacyjanalnaha adradžeńnia hetaja ličba vyrasła da pałovy. Paśla pačałasia novaja hvałtoŭnaja rusifikacyja.
«Jakoje dačynieńnie heta maje da vychavańnia lubovi da Radzimy?» Ministru adukacyi nie spadabałasia zahadka pra elfaŭ
«Hučyć jak epičnaje tryźnieńnie». U navučalnych ustanovach Bresta zabaraniajuć pieśni na zamiežnych movach — BG.Media
Hałoŭčanka raskazaŭ, kolki škoł u Biełarusi nie paśpieli padrychtavać da navučalnaha hoda
U Mahilovie pajšli vučycca ŭ biełaruskamoŭny kłas tolki piać pieršakłaśnikaŭ
Šaści bresckim škołam da novaha navučalnaha hoda nadali imiony savieckich hierojaŭ
Ciapier čytajuć
Źnikły Kotaŭ vyjechaŭ z Turcyi moram — mahčyma, u bok Rasii17
Kamientary
Hańba nie Łukašenku, a "nievierojatnym" baćkam, jakija źviazvajuć budučyniu dziaciej z rasiejskaj movaj i rasiejskaj impieryjaj.
Darečy (infarmacyja V. Portnikava) - na akupavanaj častcy Zaparožskaj vobł. 46 adsotkaŭ školnikaŭ buduć vučycca pa-ŭkrainsku. Taki vybar baćkoŭ va ŭmovach akupacyi.