Hramadstva2121

«Jakoje dačynieńnie heta maje da vychavańnia lubovi da Radzimy?» Ministru adukacyi nie spadabałasia zahadka pra elfaŭ

U Biełarusi da 2027 hoda płanujuć pieravydać padručniki. Pa słovach ministra adukacyi Andreja Ivanca, jany majuć być «prasiaknutyja honaram» za krainu pa ŭzory savieckaha času, piša Reform.by.

«My siońnia, Ministerstva adukacyi, bačym hetuju prablemu, što vychavaŭčy patencyjał u našych padručnikach zadziejničany tolki z tak zvanym nacyjanalnym kantentam.

Ale nam treba śmialej iści nasustrač, nie bajacca słova «ideałohija», nie bajacca słova «patryjatyčnaje vychavańnie» i vykarystoŭvać tyja teksty, jakija ŭ kožnaj staroncy, u kožnym radku luboha padručnika buduć sapraŭdy pryvivać luboŭ da Radzimy, luboŭ da pracy, spačuvańnie i pavahu da ludziej, da žyvioł, luboŭ da pryrody.

Usio heta i jość składniki vychavańnia našaha padrastajučaha pakaleńnia», — zajaviŭ jon u prahramie «Pytańnie numar adzin» na telekanale «Biełaruś 1».

«Niaprostaja praca, i my razumiejem, što ŭvadnačas jaje zrabić vielmi składana, ale takuju

ambicyjnuju zadaču my pierad saboj stavim dla taho, kab usie navučalnyja vydańni, jakija my budziem pieravydavać, byli maksimalna nabližanyja da taho ŭzoru abo da taho ideału, jaki byŭ u saviecki čas», — dadaŭ ministr.

Dla prykładu jon uziaŭ padručnik pa ruskaj movie dla druhoha kłasa i začytaŭ zadańnie.

«Paŭlik i Alonka znajšli kartu lasnych elfaŭ, na jakoj paznačana, dzie schavany skarb. — Jakoje praviła vykarystoŭvali elfy, kab zašyfravać darohu da skarbu? Dapamažy dzieciam pračytać kartu». Heta značyć dla dziaciej, napeŭna, heta cikavaje zadańnie, ale jakoje dačynieńnie heta maje da vychavańnia lubovi da Radzimy?» — zadaŭsia pytańniem ministr.

«Pytańnie nie tolki ŭ nacyjanalnym kantencie. Siońnia ŭ našych padručnikach davoli vialikaja kolkaść infarmacyi pra našy pradpryjemstvy, pra naš realny siektar ekanomiki, pra našu pryrodu, pra našy słavutaści, ale my pavinny napramuju kazać, my abaviazanyja hanarycca našaj krainaj. My abaviazanyja hanarycca tym, što dasiahnuła naša kraina za hady niezaležnaści ŭ taki karotki pieryjad. Dzieści my jašče saromiejemsia pra heta hučna ŭ poŭny hołas kazać.

A heta pavinna być napisana ŭ padručniku absalutna na kožnaj staroncy, tamu što my pa pravu hanarymsia našaj krainaj, my pa pravu hanarymsia našym narodam. I my pa pravu hanarymsia tym, što ŭ nas taki prezident, jaki vybudavaŭ tuju palityku, jakaja dazvoliła nam siońnia ŭ vielmi niaprostych hieapalityčnych umovach zachavać mirnaje nieba nad hałavoj i roskvit u našaj krainie», — zajaviŭ jon.

Ministru zadali pytańnie, kali źjaviacca takija padručniki.

«Pieravydańnie liniejki padručnikaŭ u nas zapłanavana da 2027 hoda ŭklučna. Vidavočna, što da hetaha času my pavinny ŭsiu hetuju liniejku pry pieravydańni maksimalna nablizić da tych uzoraŭ, jakija byli ŭ saviecki čas», — adkazaŭ jon.

Kamientary21

  • umka
    02.09.2023
    IVANiec - adukacyi kaniec
  • Hy
    02.09.2023
    Pn.Kareja pakažacca nam jašče paradajzam)
  • Sini_elf
    02.09.2023
    Vychoŭvać dziaciej i drukavać padručniki na susiedniaj movie nacyi i skažać svaju historyju. Voś heta patryjatyzm! Takomu patryjatyzmu pazajzdrościć lubaja kraina!

Ciapier čytajuć

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć5

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć

Usie naviny →
Usie naviny

«Kłasika savieckaj dypłamatyi» — Sikorski pryhoža padšpiliŭ Zacharavu4

«Jon siabravaŭ ź ciemnaskurym słuhoj». Baćka Iłana Maska zapeŭniŭ, što jahony syn nie rasist18

U Minsku pradajecca kvatera, ź jakoj možna vyjści praz akno6

Franak Viačorka vystaviŭ na aŭkcyjon svoj skandalny hadzińnik35

Namieśnik ministra Kazakievič zapeŭnivaje, što rasijskaha stendapiera nichto nie biŭ. I pahražaje zavieści kryminałki za paklop27

BČB-niaviesta źviarnułasia da biełarusaŭ, jakim niaprosta za miažoj23

Na stancyi mietro «Traktarny zavod» pamior čałaviek

Biełstat zajaviŭ, što na zarobki za miažu vyjechała rekordnaja kolkaść biełarusaŭ. MUS kaža, što ŭsio naadvarot5

67-hadovaha rasijskaha dysidenta Alaksandra Skobava pryhavaryli da 16 hadoŭ kałonii5

bolš čytanych navin
bolš łajkanych navin

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć5

Dzie lažyć vykupleny Statut VKŁ? Pavieł Macukievič — pra toje, što biełarusy musiać sabie viarnuć

Hałoŭnaje
Usie naviny →

Zaŭvaha:

 

 

 

 

Zakryć Paviedamić