Prapahandysty nakałoli droŭ. Jakija siakiery i bienzapiły jany vykarystoŭvali?
U Minskim rajonie prajšoŭ druhi čempijanat pa kołcy droŭ siarod prapahandystaŭ. Na mierapryjemstvie sabrałasia bolš za tryccać kamandaŭ supracoŭnikaŭ dziaržaŭnych ŚMI. Nie abyšłosia bieź pierdzimanokla.
«Kab nie dać źmierznuć jeŭrapiejcam»
Jak padajuć sami prapahandysty, ideja pravodzić spabornictvy pa kołcy droŭ siarod supracoŭnikaŭ dziaržaŭnych ŚMI zaradziłasia paśla taho, jak Łukašenka na kamieru siek drovy, kab nie dać źmierznuć jeŭrapiejcam. Nasamreč jeŭrapiejcy i nie mierznuć, ale Łukašenka imkniecca stvaryć u biełarusaŭ takoje ŭražańnie.
U ramkach hetaha imknieńnia i arhanizavali čempijanat, kab pravieryć, chto z prapahandystaŭ najlepš aruduje siakieraj i piłoj.
Kanfuz u tym, što supracoŭnikam dziaržSMI vydali kałuny jeŭrapiejskaha vytvorcy — finskaj marki Fiskars. U Biełarusi anałahičnych siakier nie vyrablajuć.
Siakiery novieńkija. Adna takaja kaštuje 222—255 rubloŭ.
Cikava, što anałahičnyja siakiery kitajskaj vytvorčaści možna nabyć pa cenach ad 70 da 120 rubloŭ, ale vybar čamuści paŭ na invientar, jakija vyrablajuć u krainie NATA.
Miž tym isnujuć ža ajčynnyja kałuny, vyrablaje ich Viciebski zavod traktarnych zapčastak.
Važyć taki 4 kh. Ën dapamahaje macavać muskuły našmat lepš za dvuchkiłahramovy finski.
Niekatorym udzielnikam spabornictvaŭ, jakija zajmali pryzavyja miescy, daryli tyja samyja siakiery Fiskars. Mahčyma, u dušy arhanizatary ŭsio ž chacieli b prasiačy akno ŭ Jeŭropu, a nie ŭ Kitaj. Zrešty, heta i lahčej: Biełaruś usio ž jeŭrapiejskaja kraina.
Sioleta ŭdzieł u mierapryjemstvie ŭziali 35 kamandaŭ, u tym liku i rabotniki kitajskaha infarmacyjnaha ahienctva «Sińchua».
Na adnym sa zdymkaŭ možna zaŭvažyć siakieru z nadpisam «I rabotaj». Napeŭna, havorka idzie pra pierafrazavanuju cytatu Łukašenki «Razdievajsia i rabotaj».
Bienzapiły buržujskija
Aproč załatych pavodle cany siakier finskaj vytvorčaści, na spabornictvach možna było zaŭvažyć niamieckija bienzapiły firmy Stihl.
Jakasnaja bienzapiła adnosicca da tradycyjnych jeŭrapiejskich kaštoŭnaściaŭ: jana kaštuje bolš za 6 tysiač rubloŭ. U Biełarusi jaje anałahaŭ nie vyrablajuć.
U sacsietkach tym časam žartavali, što Ryhoru Azaronku navat finskija siakiery nie dapamahli.
Čytajcie taksama:
Kadebist — pasoł Biełarusi ŭ Karei zaniaŭ pieršaje miesca ŭ ekstremalnym zabiehu ź pieraškodami
Rasijskija vebkam-madeli vydajuć siabie za biełarusak i ŭkrainak, kab paźbiahać chejtu z-za vajny
Ciapier čytajuć
Połk Kalinoŭskaha paviedamiŭ pra hibiel troch bajcoŭ4
Kamientary
Napeŭna, havorka idzie pra pierafrazavanuju cytatu Łukašenki «Razdievajsia i
rabotaj».
Kto rabotajet razdietym? Na um prichodiat tolko žienŝiny nizkoj socialnoj otvietstviennosti!
Tak čto nadpiś kak nielzia v tiemu!)