Na budplacoŭcy «Hazpram-centra» ŭ Minsku pačalisia mantažnyja raboty
Na budplacoŭcy «Hazpram-centra» ŭžo zaviaršyli raskansiervacyju vyšynnaha budynka i pačali budaŭniča-mantažnyja raboty, raskazała ŭ efiry prahramy «Havoryć i pakazvaje Minsk» na «Radyjo-Minsk» staršynia kamiteta budaŭnictva i inviestycyj Minharvykankama Iryna Hontarava.
«Na praciahu doŭhaha pieryjadu času abjekt byŭ zakansiervavany. Viałasia praca z rasijskim bokam ab zaviaršeńni jaho budaŭnictva. U vyniku pryniata stanoŭčaje rašeńnie, — adznačyła čynoŭnica. — U žniŭni «Hazpram» prystupiŭ da raskansiervacyi vyšynnaha budynka. Jana ŭžo zavieršanaja. Raspracavany architekturny prajekt, i ŭžo prystupili niepasredna da budmantažu. Paralelna robicca karektavańnie prajektnaj dakumientacyi pa inšych budynkach. Heta značyć, ciapier siły skancentravanyja na ŭźviadzieńni vyšynnaha doma».
Pavodle zaćvierdžanaha Łukašenkam novaha terminu zdačy abjekta, usie raboty majuć zaviaršycca da 2027 hoda.
Pieršaja infarmacyja pra toje, što «Hazpram» płanuje pabudavać u Minsku novy ofis, źjaviłasia bolš za dziesiać hadoŭ tamu — u 2012 hodzie. Dla budaŭnictva była abranaja placoŭka kala Nacyjanalnaj biblijateki Biełarusi, a ŭ 2014-m pajšoŭ pad znos aŭtavakzał «Maskoŭski», jaki raniej tam znachodziŭsia.
Budaŭničyja raboty na miescy zapłanavanaha «Hazpram-centra» pačalisia ŭ 2015 hodzie, ale nieŭzabavie spynilisia. Paśla ich u 2019 hodzie sprabavali adnavić, ale ŭ lutym 2021-ha ŭsie raboty znoŭ prypynili. Aficyjnaja pryčyna — roznahałośsie pamiž zamoŭcam i hienieralnym padradčykam.
1 červienia 2023 hoda Łukašenka padpisaŭ ukaz № 162, jakim AAT «Hazpramtranshaz Biełaruś» było vyzvalena ad vypłaty pieni za nievykanańnie terminaŭ budaŭnictva «Hazpram-centra». Novy dakumient dazvoliŭ budavańnie na hetym miescy biznes-apartamientaŭ, jakija «buduć uzvodzicca ŭ adpaviednaści z normami i praviłami dla administracyjnych i žyłych pamiaškańniaŭ».
Ciapier čytajuć
Chto toj redaktar biełaruskaj Vikipiedyi, jakoha pasadzili na dva hady za «dyskredytacyju Biełarusi»23
Kamientary