Miedyki patłumačyli, pra što moža śviedčyć tremar Łukašenki
Cikavy epizod sustrečy Łukašenki i Pucina ŭ Pałacy Niezaležnaści siońnia trapiŭ u abjektyŭ telekamier. Pakul Łukašenka čakaŭ rasijskaha prezidenta, u jaho vyrazna dryžeła hałava. Takoje trapiła na videa ŭpieršyniu. «Naša Niva» spytała ŭ miedykaŭ, pra što moža śviedčyć taki simptom.
Adrazu adznačym: usie miedyki, da jakich my źviartalisia pa kamientar, adznačyli, što niemahčyma pastavić dyjahnaz pa videa. Nieabchodna pravieści skrupulozny ahlad, pravieryć, jak čałaviek na što reahuje, pamacać ciahlicy i raspytać pacyjenta pra ŭsie simptomy. Ale niekalki mierkavańniaŭ, što moža vyklikać tremar, daktary vykazali.
— Taki tremar moža ŭźniknuć na fonie stresu, — adznačyŭ nieŭrołah. — Tremar moža zdarycca na fonie sasudzistaha parkinsanizmu (pry ŭzrostavych źmienach sasudaŭ hałaŭnoha mozhu). Na praciahłaść žyćcia heta nie asabliva ŭpłyvaje.
Śpiecyjalist u vobłaści anhijachirurhii (sasudzistaja chirurhija) miarkuje:
— Tremar — markier niejkich nieŭrałahičnych źmien. Nasamreč pryčyn dla najaŭnaści takoho simptomu vielmi šmat. Asabliva ŭ ludziej niemaładych hadoŭ. Čaściej za ŭsio tremar uźnikaje nie jak vynik niejkich ciažkich chvarob, a jak nastupstvy raspaŭsiudžanych chraničnych chvarob kštałtu osteachandrozu chrybietnika.
Taksama ŭ miedycynie jość takoje paniaćcie jak esencyjalny tremar — kali havaryć prostymi słovami, heta kali ŭzrost biare svajo i ŭ čałavieka ŭźnikajuć prablemy z tym, jak pracuje nieŭrałahičnaja sistema. Tremar moža być i nastupstvam niejkaha emacyjanalnaha napružańnia.
Tryvožnych simptomaŭ u takim tremary doktar nie bačyć. Bo dla toj ža chvaroby Parkinsona, akramia tremaru, zvyčajnym simptomam źjaŭlajecca mimičnaja skavanaść — čałaviek vyhladaje chałodnym, abyjakavym. Na tvarach ludziej z takoj chvarobaj nie pabačyš niejkich jarkich emocyj i taksama jany čaściakom havorać z adnoj i toj ža intanacyjaj.
Niekatorym padałosia, byccam Łukašenka vyhladaje aciokłym. Ale ekśpiert kaža, što dla jaho heta moža być całkam narmalnym:
— My ŭžo daŭno nazirajem za hetym čałaviekam. Tak, jon stareje, jon źmianiajecca. Ale tyja acioki, jakija ŭźnikajuć u vyniku niekatorych chvarob — u pieršuju čarhu, chvarob serca ci nyrak — vyhladajuć inakš. Jany davoli zaŭvažnyja, ich ciažka było b schavać. U pryncypie,
vyhlad Łukašenki całkam upisvajecca ŭ jaho fizijałahičnyja ramki. Adnaznačna skazać pra najaŭnaść ci adsutnaść niejkich ciažkich chvarob niemahčyma.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary