Biełaruski čempijanat pa futbole hladziać lepš za čempijanat Ispanii — kiraŭnik «Biełaruś-5»
Hałoŭny dyrektar dyrekcyi telekanała «Biełaruś 5», na jakim pakazvajuć sport, Pavieł Bułacki ŭ intervju «Źviaździe» ŭ honar 10-hodździa kanała, raskazaŭ pra pryjarytety tranślacyj.
«Hałoŭnaja zadača «Biełaruś 5» — pakazvać biełaruskamu hledaču biełaruski sport. I hetym kanał vyłučajecca, — kaža Pavieł Bułacki.
— Voźmiem, naprykład, Alimpijskija hulni. Toj ža Eurosport budzie tranśliravać roznyja vidy sportu, ale naŭrad ci jany buduć rabić akcent na tym, što cikava biełarusam. My ž, tranślirujučy Alimpijadu, z raznastajnaści vidaŭ sportu pakazvajem tyja, u jakich udzielničajuć našy spartsmieny. Naŭrad ci na niejkim inšym kanale možna ŭbačyć čempijanaty Biełarusi pa baskietbole, futbole, valejbole, chakiei i šmatlikich inšych vidach sportu. I, jak śviedčać rejtynhi, kali paralelna z hulnioj topavych zamiežnych futbolnych kamand buduć hulać biełaruskija kamandy, hladač addaść pieravahu biełarusam.
Tamu naša zadača — pakazvać i raźvivać biełaruski sport, a nie być retranślataram mižnarodnych spabornictvaŭ. Tak, bieź ich nikudy, bieź ich sport niecikavy. Da adchileńnia biełarusaŭ ad mižnarodnych startaŭ my pakazvali ŭvieś suśvietny sport, nabyli vialiki pakiet bujnych spabornictvaŭ pa roznych vidach sportu. Ale z uviadzieńniem sankcyj heta ŭsio prypyniłasia.
Dy i jaki sens nam pakazvać mižnarodnyja spabornictvy, dzie nie ŭdzielničajuć našy spartsmieny? Tamu ciapier šukajem dla svajho hledača niejkuju alternatyvu i starajemsia davać jamu cikavy biełaruski kantent»
Taksama Pavieł Bułacki zakranuŭ pytańnie tranślacyj jeŭrapiejskich futbolnych čempijanataŭ. «Biełaruś-5» admoviłasia ad tranślacyj jeŭrapiejskich futbolnych čempijanataŭ, a pakazvaje biełaruskaha pieršynstva i rasijskaj futbolnaj premjer-lihi,
Siońnia zamiest etapaŭ Kubku śvietu pa bijatłonie, dzie nie biaruć udziełu biełarusy i rasijanie, budzie pakazvać Kubak Rasii pa bijatłonie.
«Biełaruski čempijanat pa futbole hladziać lepš za čempijanat Ispanii. Biełaruski futboł, niahledziačy ni na što, maje svajho addanaha hledača, jakomu mnohija matčy čempijanatu Ispanii zusim niecikavyja», — śćviardžaje Bułacki.
Praŭda, biełaruski futbolny čempijanat zaviaršyŭsia na minułym tydni, a rasijski pojdzie na kanikuły (jon hulajecca pa sistemie vosień — viasna) paśla hetych vychodnych. Što budzie pakazvać Biełaruś-5 uzamien, jon nie kaža.
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek33
Kamientary
Słužił, ja dumaju!