Rasijskaja škoła pakajałasia za ranišnik, jaki prajšoŭ pa matyvach savieckaha mulcika «Nu, pačakaj»
Kiraŭnictva škoły ŭ prymorskaj Nachodcy paprasiła prabačeńnia za dziciačy ranišnik, dzie rolu Vaŭka z «Nu, pačakaj!» u kaściumie Śniahurki vykonvaŭ nastaŭnik fizičnaj kultury, piša «Sibiŕ.Riealii».
«Pakajalny» post zjaviŭsia ŭ pabliku škoły «Ukantakcie». U tekście havorycca, što ranišnik u škole №26 prajšoŭ dla vučniaŭ pačatkovych kłasaŭ pa matyvach savieckich multfilmaŭ, u tym liku «Nu, pačakaj!».
Nastaŭniki pieraapranulisia ŭ kaściumy piersanažaŭ, rolu Vaŭka ŭ kaściumie Śniahurki vykonvaŭ nastaŭnik fizkultury. «Nijakaha padtekstu i złoha namieru ŭ siužecie z hierojami mierapryjemstva my nie pieraśledavali. Adzinaja naša meta — paradavać, paviesialić dziaciej i padfarbavać našy školnyja budni», — skazana ŭ paviedamleńni.
Raniej u kamientarach u telehram-kanale hubiernatara Prymorskaha kraju Aleha Kažamiaki karystalnik paprasiŭ prakuraturu i kiraŭnika rehijona źviarnuć uvahu na ranišnik.
«Pra jakija tradycyjnyja kaštoŭnaści moža iści havorka, kali Śniahurku-pierarostka hraje chłopiec. Dzieci pryjšli ŭ šoku», — napisaŭ karystalnik.
Paśla pačatku poŭnamaštabnaha ŭvarvańnia Rasii va Ukrainu ŭ krainie vyrasła kolkaść danosaŭ i skarh na abrazu pačućciaŭ roznych hrup hramadzian i parušeńnie tak zvanych tradycyjnych kaštoŭnaściaŭ.
Z «Jandeks Kart» źnikli nazvy Ehiejskaha mora i vostrava Lesbas
Sud znajšoŭ «prapahandu ŁHBT» u klipie apantanaha prychilnika vajny Mikałaja Baskava
Hamafobny treš u Rasii: staronku hurta «Tatu» prykryli, a papularnamu mulciku pastavili markiroŭku «ad 18 hadoŭ»
My nazirajem, jak u Rasii z ŁHBT robiać taki ž strach, jaki nacysty rabili ź jaŭrejaŭ. Što heta aznačaje dla biełarusaŭ
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary
Tak i ŭ ciapierašniaj rašcy - "ŁHBT-ruch" zabaranili, ale "prapahandujuć", jak chto moža. ))
a što nakont taho, što "U SSSR seksu nie było", muž kaža - byŭ. tolki byŭ taki žestačajšy, što žančyny nie dapuskalisia tudy