Jahonaja zorka źziała ŭ 1950 i 1960-ja hady.
Eks-futbalist i trenier zbornaj Brazilii Marya Zahała pamior na 93-m hodzie žyćcia. Pryčyny śmierci nie paviedamlajucca.
«Addany baćka, dziadula, kłapatlivy cieść, vierny siabar, prafiesijanał-pieramožca i vialiki čałaviek. Hihancki idał. Patryjot, jaki pakidaje nam spadčynu vialikich dasiahnieńniaŭ», — havorycca ŭ jaho aficyjnaj staroncy ŭ sacsietkach.
Brazilec staŭ pieršym, chto vyjhraŭ čempijanat śvietu jak hulec i trenier.
Taksama Zahała źjaŭlajecca adzinym čałaviekam, jakomu ŭdavałasia čatyry razy vyjhrać čempijanat śvietu ŭ roznych statusach: jon dvojčy stanaviŭsia čempijonam śvietu ŭ jakaści futbalista (1958, 1962), zatym jak trenier (1970 hod) i jak pamočnik hałoŭnaha treniera (1994 hod).
Zahała hulaŭ za brazilskija «Amieryku», «Fłamienha» i «Batafoha».
Jon byŭ trenieram zbornaj Brazilii (1967-1968, 1970-1974, 1994-1998). U 1991 hodzie jon staŭ kaardynataram zbornaj i asistentam hałoŭnaha treniera Karłasa Ałbierta Parejry: na hetaj pasadzie ŭ 1994-m hodzie jon staŭ čempijonam śvietu i ŭ tym ža hodzie źmianiŭ Parrejru na pasadzie hałoŭnaha treniera. Jon taksama treniravaŭ zbornyja AAE, Kuviejta i Saudaŭskaj Aravii.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary