Jak možna charčavacca ceły dzień, kali ŭ kišeni 4 rubli? U tyktoku prapanavali racyjon
Błohier Mikoła ŭ tyktoku pastaviŭ ekśpierymient, jak raznastajna siłkavacca, kali jość tolki 4 rubli na dzień.
U jaho atrymałasia tak. Śniadanak: aŭsianka, jabłyk i kava ź piečyvam. Kaštavała heta pałovu hrošaj — 1,99 rubli.
Na abied u błohiera byŭ abied biznesmienaŭ — «biznes-łanč» — nasamreč, makarona z takoj nazvaj i pałova sasiski. Abied abyšoŭsia ŭ 80 kapiejek. «Smačna, sytna i vielmi ekanomna», — śćviardžaje błohier.
Viačera była jak u «sapraŭdnaha biełarusa» — smažanaja z cybulaj bulba. Plus — druhaja pałova sasiski. Košt — 69 kapiejek.
52 kapiejki atrymałasia navat aščadzić. «Jak vam taki racyjon za 3,48 rubli?» — paprasiŭ acenku čytačoŭ Mikoła.
U kamientarach nie pavieryli, što takija ceny jość, paprasili nastupnym razam dadavać ček.
«Adna sasiska — 1,5-2 r., piečyva — 2 r., rołtan — 1,79, bulba — 0,70, rubloŭ šeść abydziecca ŭsio», — napisaŭ adzin z kamientataraŭ. Błohier adkazaŭ, što možna znajści tańniej, tolki treba viedać kramy.
Mnohija zaŭvažyli, što tak žyć nie chacieli b, chočacca bolš ryby i harodniny.
Niekatoryja prapanoŭvali jašče bolš askietyčnaja varyjanty.
«Śniadanak: bulba ź jajkam, abied: bulba z sasiskaj, viačera: bulba z pamidorkam», — napisaŭ adzin.
«Pačak makarony (900 h) i chopić na 1 dzień. Jak minimum ja tak i žyvu», — adkazaŭ druhi.
Ciapier čytajuć
Stvaralnica sietki kafe Myloverberry raspaviała, jak razam z mužam zahnała paśpiachovy biznes u daŭhi1
Kamientary
typu rołtana - heta ježa dla bahatych. bo kaštuje daražej za jakasnaje miasa (pieraličycie na kh)