Як можна харчавацца цэлы дзень, калі ў кішэні 4 рублі? У тыктоку прапанавалі рацыён
Блогер Мікола ў тыктоку паставіў эксперымент, як разнастайна сілкавацца, калі ёсць толькі 4 рублі на дзень.
У яго атрымалася так. Сняданак: аўсянка, яблык і кава з печывам. Каштавала гэта палову грошай — 1,99 рублі.
На абед у блогера быў абед бізнэсменаў — «бізнэс-ланч» — насамрэч, макарона з такой назвай і палова сасіскі. Абед абышоўся ў 80 капеек. «Смачна, сытна і вельмі эканомна», — сцвярджае блогер.
Вячэра была як у «сапраўднага беларуса» — смажаная з цыбуляй бульба. Плюс — другая палова сасіскі. Кошт — 69 капеек.
52 капейкі атрымалася нават ашчадзіць. «Як вам такі рацыён за 3,48 рублі?» — папрасіў ацэнку чытачоў Мікола.
У каментарах не паверылі, што такія цэны ёсць, папрасілі наступным разам дадаваць чэк.
«Адна сасіска — 1,5-2 р., печыва — 2 р., ролтан — 1,79, бульба — 0,70, рублёў шэсць абыдзецца ўсё», — напісаў адзін з каментатараў. Блогер адказаў, што можна знайсці танней, толькі трэба ведаць крамы.
Многія заўважылі, што так жыць не хацелі б, хочацца больш рыбы і гародніны.
Некаторыя прапаноўвалі яшчэ больш аскетычная варыянты.
«Сняданак: бульба з яйкам, абед: бульба з сасіскай, вячэра: бульба з памідоркам», — напісаў адзін.
«Пачак макароны (900 г) і хопіць на 1 дзень. Як мінімум я так і жыву», — адказаў другі.
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары
тыпу ролтана - гэта ежа для багатых. бо каштуе даражэй за якаснае мяса (пералічыце на кг)