Na žurfaku BDU novy namieśnik dekana — fanat Łukašenki rodam z Pskova
Na fakultecie žurnalistyki BDU praciahvajucca pierastanoŭki — ciapier tam źjaviŭsia novy namieśnik dekana, jaki adkazvaje za vychavaŭčuju pracu. Biełaruskaha śpiecyjalista nie znajšłosia — vychavańniem budučych biełaruskich žurnalistaŭ budzie zajmacca Aleh Nikifaraŭ z Pskovu, piša «Jeŭraradyjo». Što pra jaho viadoma?
Historyk i Z-patryjot
U Nikifarava histaryčnaja adukacyja. Miarkujučy pa jahonym profili «VK», skončyŭšy škołu ŭ Pskovie, jon pastupiŭ tam ža ŭ piedahahičny ŭniviersitet i atrymaŭ dypłom nastaŭnika historyi. Paźniej Nikifaraŭ abaronić dysiertacyju pa piedahohicy.
Na sajcie žurfaka Aleh Nikifaraŭ pakazaŭ niekalki navukovych publikacyj, usie jany źviazany z historyjaj Pskovu. Pry hetym budučym žurnalistam jamu davieryli vieści pradmiety «Teoryja i praktyka suviaziaŭ z hramadskaściu» i «Teoryja kamunikacyi».
Składana skazać, jakuju «vychavaŭčuju pracu» Nikifaraŭ pravodzić na žurfaku, ale ŭ sacsietkach jon nie chavaje padtrymku rasijskaj vajny suprać Ukrainy. U jaho było niekalki dopisaŭ z «rasśledavańniami» pra «babulu z savieckim ściaham», jon vykarystoŭvaje cheštehi «Zanašupobiedu».
A ŭ tak zvany «Dzień jadnańnia narodaŭ Biełarusi i Rasii» ŭ 2022-m jon napisaŭ:
«Siońnia Dzień jadnańnia narodaŭ Biełarusi i Rasii, a lepš by było adzinstva ŭschodnich słavian, usioj Rusi vialikaj».
«Buntary ŭ Biełarusi»
Nikifaraŭ nie prosta nie vykazvaŭsia suprać režymu Łukašenki, jon publična vystupaŭ z padtrymkaj linii ŭładaŭ i asudžeńniem «buntaroŭ» u 2020 hodzie.
«Na žal, tyja, chto suprać [Łukašenki] zusim nie mirnyja i dobryja… tak, šmat chto ščyra chodzić za ŭsio dobraje suprać usiaho drennaha, ale šmat tych, chto choča hvałtoŭnaha źviaržeńnia ŭłady, ahresii bolš čym dastatkova… pryčym biessensoŭnaj», — raskazvaŭ jon svaim siabram u «VK» vosieńniu 2020-ha.
Paźniej jon pryśviačaŭ dopisy «rasijskim prychilnikam buntaroŭ u Biełarusi». I raspaviadaŭ pra… «dasiahnieńni buntaroŭ».
«Samaja razumnaja i piśmiennaja palityka padčas hetaha varjactva ciapier vymušanaja padładžvacca da ŭsieahulnaj žorstkaj hulni… tyja, chto ŭsio heta zadumaŭ nie daravali prezidentu RB śmiełych zajaŭ ab virusnym biaźmiežžy viasnoj», — pisaŭ jon i aburaŭsia pandemičnym abmiežavańniam u Biełarusi, u źjaŭleńni jakich Nikifaraŭ abvinavaciŭ mienavita pratestoŭcaŭ.
EHU budzie pryznany «ekstremisckaj» arhanizacyjaj — ANT
Z Hrodzienskaha ŭniviersiteta zvolnili prafiesarku Śviatłanu Marozavu
«Kali trapicie ŭ pole zroku, vas znojduć». Siłaviki pračytali «lekcyju» bresckim studentam, na jakich niadaŭna ŭčynili abłavu
Pamior vykładčyk žurfaka BDU. Paśla 2020 hoda jon danosiŭ na studentaŭ
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać1
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary