Paŭtary tysiačy muzykantaŭ Finlandyi patrabujuć vyklučyć Izrail ź Jeŭrabačańnia
Arhanizatary konkursu pakul nie bačać padstaŭ heta rabić.
Amal paŭtary tysiačy dziejačaŭ muzyčnaha biznesu Finlandyi padpisali pietycyju z patrabavańniem vyklučyć Izrail ź piesiennaha konkursu Jeŭrabačańnia. Arhanizatary konkursu pakul nie bačać padstaŭ heta rabić, piša Bi-bi-si.
Aŭtary pietycyi abvinavačvajuć Izrail u vajennych złačynstvach u siektary Haza. Jany ličać, što kali arhanizatar konkursu, Jeŭrapiejski viaščalny čajuz (EBU), admovicca vyklučać izrailcian, to svajho kankursanta pavinna adklikać finlandskaja viaščalnaja kampanija Yle.
Adzin z aŭtaraŭ pietycyi, aktyvist ad kultury Łukas Karpiełajnien zajaviŭ haziecie Hufvudstadsbladet, što arhanizatary konkursu Jeŭrabačańnia nie pavinny dazvolić Izrailu «paliravać svoj imidž» šlacham udziełu ŭ konkursie.
Aŭtary abvinavačvajuć viaščalnuju kampaniju Yle ŭ padvojnych standartach na toj padstavie, što jaje pradstaŭniki adnymi ź pieršych zaklikali vyklučyć ź Jeŭrabačańnia Rasiju paśla taho, jak jana napała na Ukrainu.
Pradstaŭnik Yle Vile Vilen užo na nastupny dzień paśla rasijskaha ŭvarvańnia skazaŭ, što jano idzie nasupierak z usimi kaštoŭnaściami, jakija pradstaŭlajuć Yle i inšyja viaščalnyja kampanii Jeŭropy, i tamu rasijskich udzielnikaŭ dapuskać na konkurs nielha.
Ciapier Vilen kaža, što stavić Rasiju i Izrail na adnu došku niamožna.
«Jakimi b žudasnymi jany [padziei ŭ Hazie] ni byli, heta — nie ahresiŭnaja vajna pamiž dziaržavami, jak pamiž Rasijaj i Ukrainaj», — skazaŭ jon haziecie Ilta Sanomat niekatory čas tamu.
Z nahody pietycyi pres-sakratar Yle Jiere Nurminien skazaŭ haziecie Hufvudstadsbladet, što kampanija sočyć za situacyjaj i abmiarkoŭvaje jaje z EBU i inšymi hramadskimi viaščalnymi kampanijami Jeŭropy. Akramia taho, pa jaho słovach, kiraŭnictva Yle źbirajecca sustrecca z aŭtarami pietycyi.
Jeŭrapiejski viaščalny sajuz u śniežni zajaviŭ, što konkurs Jeŭrabačańnia pravodziać viaščalnyja kampanii, a nie ŭrady, i što izrailskaja kampanija adkazvaje ŭsim patrabavańniam da ŭdzielnikaŭ konkursu.
Piesienny konkurs Jeŭrabačańnia sioleta projdzie ŭ pačatku maja ŭ šviedskim Malmio.
Ciapier čytajuć
Za apošnija 10 hadoŭ arendnyja staŭki vyraśli ŭdvaja. Za kolki ciapier zdajuć kvatery2
Za apošnija 10 hadoŭ arendnyja staŭki vyraśli ŭdvaja. Za kolki ciapier zdajuć kvatery
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary