Biełarusam z «terarystyčnaha» śpisu Łukašenka zabaraniŭ vyjhravać u rekłamnych hulniach
Łukašenka padpisaŭ ukaz, zhodna ź jakim, asobam, datyčnym da «terarystyčnaj dziejnaści», zabaranili vydavać vyjhryšy ŭ rekłamnych hulniach, paviedamlaje BiełTA. Prytym heta tyčycca nie tolki samich hetych ludziej, ale navat ichnich spadkajemcaŭ.
Ukaz Łukašenki, jak śćviardžajecca, pryniaty dla zabieśpiačeńnia abarony pravoŭ udzielnikaŭ rekłamnych hulniaŭ i raźvićcia takich hulniaŭ. Dakumient uvodzić zabaronu na rekłamu takich hulniaŭ da apublikavańnia arhanizataram praviłaŭ praviadzieńnia. Taksama zabaraniajecca ŭdzieł u rekłamnaj hulni asob, jakija zajmajuć kiraŭničyja pasady ŭ arhanizacyjach, jakija ŭdzielničajuć u farmiravańni pryzavoha fondu.
Taksama ŭviedzieny abaviazak arhanizataraŭ pry praviadzieńni rekłamnaj hulni ŭ siecivie vykarystoŭvać tolki «zarehistravanyja ŭ adpaviednaści z zakanadaŭstvam Biełarusi internet-resursy».
«Akramia taho, ustanoŭlena zabarona na vydaču vyjhryšaŭ pieramožcam rekłamnaj hulni i ich naščadkam, uklučanym u pieralik arhanizacyj i fizičnych asob, jakija majuć dačynieńnie da terarystyčnaj dziejnaści», — piša BiełTA.
Čytajcie taksama:
Navapołack, Baranavičy, Homiel — samyja represavanyja harady Biełarusi
Padčas chapunu ŭ Breście zatrymali 70 čałaviek. Siarod zatrymanych — adnyja žančyny
Kamientary