Ałžas Biektenaŭ uznačaliŭ kabiniet ministraŭ Kazachstana. Jaho kandydaturu zaćvierdziŭ siońnia prezident krainy Kasym-Žamart Takajeŭ.
Napiaredadni partyja «Amanat» prapanavała Biektenava na pasadu premjer-ministra. Dniom 6 lutaha jahonuju kandydaturu razhledzieli ŭ kazachskim parłamiencie, paviedamlaje Bi-bi-si.
«Ja dumaju, što ŭ jaho chopić patencyjału dla realizacyi pastaŭlenych zadač», — skazaŭ Takajeŭ.
Dniom raniej prezident Kazachstana adpraviŭ u adstaŭku premjer-ministra Alichana Smaiłava i ŭrad u poŭnym składzie.
Siońnia, vystupajučy ŭ parłamiencie, Takajeŭ adznačyŭ, što Kazachstan stavić «vielmi maštabnyja mety i zadačy», tamu ŭ krainie patrebny «novyja pazicyi i novy pohlad». Kabiniet ministraŭ budzie taksama abnoŭleny, dadaŭ prezident.
Amal usie frakcyi ŭ mažylis, nižniaj pałacie parłamienta, padtrymali kandydaturu Biektenava. 69 deputataŭ prahałasavali za, siem parłamientaryjaŭ ustrymalisia.
43-hadovy Ałžas Biektenaŭ da pryznačeńnia na pasadu premjer-ministra kiravaŭ Administracyjaj prezidenta. Jon uznačaliŭ aparat u krasaviku 2023 hoda. Da hetaha jon byŭ staršyniom Ahienctva pa supraćdziejańni karupcyi.
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu6
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary