Kiroŭcu vykinuła praz łabavoje škło. U Mazyry aŭto pierakuliłasia i z usiaje mocy ŭrezałasia ŭ słup
Dniami ŭ Mazyry adbyłasia avaryja, u jakoj kiroŭca cudam nie atrymaŭ surjoznych traŭmaŭ (prynamsi, tak paviedamlajuć u abłasnoj DAI).
Na kamieru vonkavaha videanazirańnia trapiŭ momant vyjezdu lehkavika na chodniki z nastupnym pieravarotam i sutyknieńniem sa słupom, piša Onliner.by.
«Pavodle papiaredniaj infarmacyi, kiroŭca Honda na vulicy Uljanaŭskaj ździejśniŭ sutyknieńnie sa spadarožnym aŭtamabilem, jaki ažyćciaŭlaŭ pierastrajeńnie, — padzialilisia infarmacyjaj supracoŭniki DAI. — Paśla hetaha jon straciŭ kantrol nad kiravańniem TS i ździejśniŭ najezd na bardziurny kamień, a zatym urezaŭsia ŭ słup».
Niahledziačy na śćviardžeńni inśpiektaraŭ, što kiroŭca byŭ pryšpileny, adzin z čytačoŭ śćviardžaje: heta nie tak. «Aŭtamabilista vykinuła praz łabavoje škło», — raspavioŭ jon Onlíner.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary