Śviet

Niedarečnaja hibiel pamočnika Załužnaha. Va Ukrainie raskazali pra chod rasśledavańnia

Dziaržaŭnaje biuro rasśledavańniaŭ jašče rasśleduje hibiel 6 listapada 2023 hoda ad vybuchu hranaty pamočnika Załužnaha Hienadzia Čaściakova: było apytana kala 20 śviedak, praviedziena try śledčyja ekśpierymienty, praciahvajecca niekalki ekśpiertyz, piša «Ukrainskaja praŭda»

U Biuro adznačajuć, što ciapier praviarajecca niekalki viersij nazvanaj trahiedyi, u pryvatnaści ab mahčymaj hibieli paciarpiełaha ŭ vyniku parušeńnia praviłaŭ abychodžańnia z vybuchovymi pryładami abo mahčymaha niaščasnaha vypadku ŭ vyniku nieaściarožnaha abychodžańnia z vybuchovym prystasavańniem i inšyja.

Jak viadoma, 39-hadovy Čaściakoŭ zahinuŭ ad vybuchu hranaty ŭ svaim domie na Kijeŭščynie 6 listapada 2023 hoda. U toj dzień jon śviatkavaŭ dzień naradžeńnia i raspakavaŭ padarunak ad svajho kalehi aficera Aleha Cimčanki, u jakim była plaška viski i bajavyja hranaty.

U adkazie UP paznačana, što z metaj pravierki ŭsich vyłučanych viersij u kryminalnaj vytvorčaści śledstva dapytała prykładna dva dziasiatki śviedak. Byli praviedzieny try śledčyja ekśpierymienty, zapatrabavana i apracavana značnaja kolkaść dakumientaŭ, u tym liku tych, što ŭtrymlivajuć dziaržaŭnuju tajnu, jakaja achoŭvajecca zakonam.

Śledčyja taksama atrymali materyjały praviedzienaha siłami vajennaj słužby pravaparadku va Uzbrojenych Siłach Ukrainy słužbovaha rasśledavańnia pa pakazanym fakcie. Było pryznačana bolš za 10 sudovych ekśpiertyz, u pryvatnaści ekśpiertyzy vybuchovych pryład, vybuchovych rečyvaŭ i praduktaŭ vybuchu, daktyłaskapičnyja, malekularna-hienietyčnyja, sudova-miedycynskija, a taksama psichałahičnaja z užyvańniem palihrafa. Praviadzieńnie niekatorych ź ich pakul praciahvajecca, adznačajuć u HBR.

Śledčyja dadatkova praviarajuć pravamiernaść i zakonnaść nabyćcia ŭ karystańnie Aleham Cimčankam kanfiskavanych u jaho i na miescy zdareńnia hranat, abstaviny ich zachoŭvańnia i nastupnaj pieradačy častki ź ich Čaściakovu.

Adnosna pytańnia, ci supracoŭničaje Cimčanka sa śledstvam, u Biuro adkazali, što «pracesualnyja pavodziny padazravanaha, uličvajučy jaho prava na abaronu, pakul nie supiarečać pryncypam i patrabavańniam Kryminalnaha pracesualnaha zakanadaŭstva».

Taksama ŭkazana, što vyrašeńnie pytańnia ab mahčymaj dadatkovaj kvalifikacyi dziejańniaŭ padazravanaha Cimčanki, jakomu śledstva inkryminuje niezakonny zbyt bojeprypasaŭ (vybuchovych pryład), «budzie mahčyma tolki pa vynikach praviadzieńnia kompleksu ŭsich nieabchodnych i mahčymych śledčych dziejańniaŭ, atrymańnia zaklučeńniaŭ ekśpiertyz i ŭvažlivaha analizu sabranych dokazaŭ».

U śniežni 2023 hoda Alehu Cimčanku sud vybraŭ mieru strymańnia ŭ vyhladzie asabistaha abaviazacielstva (u Biełarusi heta anałah padpiski ab niavyjeździe)

Kamientary

Ciapier čytajuć

Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka42

Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka

Usie naviny →
Usie naviny

Daktary zaklikajuć bajkieraŭ abaraniać nie tolki hałavu: redki vypadak vyvichu jaječka1

Łatuška: Mielnikava vylecieła za miežy ES u kancy lutaha27

Jaki akład budzie atrymlivać pieršy pasoł pry Śviatym Pasadzie ŭ Vatykanie6

U Biełarusi niama mora, ale topiacca tut čaściej, čym va ŭsim śviecie3

La Nacyjanalnaj biblijateki zabiŭ fantan4

Stała viadoma, chto pryznačany pres-sakratarom MZS6

U Sienacie ZŠA demakrat 25 hadzin vystupaŭ z krytykaj Trampa

«Zapłaciła 1500 zamiest 350 rubloŭ»: biełaruska raskazała, jak straciła hrošy, afarmlajučy apastyl praz «pamahatych»1

«Jak ja ciabie mahła adpuścić u hety žachlivy boj?» Ała Puhačova vypuściła dźvie pieśni pra vajnu6

bolš čytanych navin
bolš łajkanych navin

Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka42

Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka

Hałoŭnaje
Usie naviny →

Zaŭvaha:

 

 

 

 

Zakryć Paviedamić