Našaha suajčyńnika, uładalnika sudna, pasprabavali abrabavać.
U Ekvadory 44-hadovaha biełarusa chacieli abrabavać na vulicy, a kali toj puściŭsia biehčy, pa im strelili sa zbroi i paranili. Pra heta paviedamlaje «Biełaruś i śviet» sa spasyłkaj na najbujniejšuju hazietu krainy El Universo.
Incydent zdaryŭsia ŭ sieradu 28 lutaha ŭ horadzie Mačała, jaki nazyvajuć bananavaj stalicaj, bo mienavita adsiul praz port Puerta-Balivar hetyja płady ekspartujucca pa ŭsim śviecie.
Naš suajčyńnik — uładalnik sudna, — skarystaŭšysia prybyćciom u Mačału, vyrašyŭ ahledzieć słavutaści. I byŭ atakavany na hałoŭnaj vulicy-bulvary 25 červienia.
Razam z tryma siabrami mužčyna vyjšaŭ z porta, dzie było pryšvartavana sudna, na jakim jany płyli. Zajšoŭšy ŭ handlovy centr Paseo Shopping, kala 15.00 kampanija nakiravałasia da manumienta El-Bananiera.
Pakul hości horada ruchalisia da zhadanaha pomnika, uviekaviečanaha ŭ bronzie rabotnika bananavaj płantacyi, i rabili fota, źjavilisia troje subjektaŭ: dvoje — na matacykle, treci — pieššu.
Adzin ź ich dastaŭ zbroju i pryhraziŭ joju 44-hadovamu biełarusu, kab abrabavać, ale naš suajčyńnik kinuŭsia biehčy. Napadnik streliŭ u jaho i paraniŭ u piatku.
Dalej paciarpieły zmoh sieści ŭ taksi i pryjechaŭ u port. Tam mužčynu akazali pieršuju dapamohu, a zatym advieźli ŭ pryvatnuju kliniku i pieradali dla dalejšaha lačeńnia miedykam.
Nie tak strašna, jak padajecca. Biełarusy raskazali pra žyćcio ŭ Ekvadory i razborki miascovych bandaŭ
Ekvador zdaŭsia ŭ bananavaj vajnie. Jon admoviŭsia ad pastavak vajskovaj techniki Ukrainie
U Rasiei čakajecca deficyt bananaŭ praz sankcyi suprać Ekvadora. Ale tam znajšli vyjście — treba vyroščvać svaje
Ciapier čytajuć
Jak skłaŭsia los Jany Pačyckaj — dziaŭčyny, jakuju zatrymlivali razam z Kanavałavym i Kavalovym pa spravie ab terakcie ŭ mietro5
Kamientary