Jak rasijskaja raźviedka zmahła pierachapić razmovu niamieckich aficeraŭ?
Stali viadomyja pryčyny pierachopu rasijskimi śpiecsłužbami razmovy aficeraŭ i hienierała Vajskova-pavietranych sił Hiermanii.
Pa słovach pradstaŭnika ministra abarony Hiermanii, jakoha cytuje Le Monde, pryčyna pierachopu rasijskimi śpiecsłužbami razmovy aficeraŭ i hienierała Vajskova-pavietranych sił Hiermanii banalnaja:
zamiest taho, kab razmaŭlać pa zašyfravanaj sietcy, čaćviora mužčyn prosta abmianialisia infarmacyjaj z dapamohaj płatformy videakanfierencyj WebEx. Pryčym adzin ź ich padklučyŭsia da razmovy sa svajho mabilnaha telefona z haściničnaha numara ŭ Sinhapury.
Jak paviedamlaje ZDF.de, płatforma WebEx — kamiercyjny pradukt amierykanskaha pravajdara Cisco — šyroka vykarystoŭvajecca dla mnohich kanfierencyj Bundeśviera. Ale nie tolki im. Siarod karystalnikaŭ płatformy fiederalny ŭrad, orhany biaśpieki i parłamient.
Pry hetym taja viersija, što vykarystoŭvajuć dziaržaŭnyja orhany, adroźnivajecca ad viersij dla zvyčajnych kampanij. U bundestahu, naprykład, jana adaptavanaja dla ŭnutranaj sietki Parlakom.
Praz WebEx taksama mahčymaja pieradača sakretnaj infarmacyi, praŭda, samaha nizkaha ŭzroŭniu kanfidencyjnaści. Pryčym dla hetaha nieabchodna aktyvizavać śpiecyjalnaje šyfravańnie. Zadača vajskovych naradaŭ u WebEx zaklučajecca ŭ tym, kab dakładna adsočvać, što i ŭ jakim kantekście možna skazać, a što adnosicca da bolš vysokaha ŭzroŭniu sakretnaści.
Abmierkavańnie infarmacyi, jakaja kłasifikujecca jak «sakretnaja» i vyšej, moža adbyvacca z vykarystańniem ličbavych srodkaŭ suviazi, ale dla hetaha treba ŭžyć inšyja kamunikatyŭnyja rašeńni, jakija adpaviadajuć uzroŭniu sakretnaści.
«Jość prykmiety taho, što vykarystoŭvaŭsia niedastatkova biaśpiečny kanał suviazi, uličvajučy kantent, jaki abmiarkoŭvaŭsia. Heta pradmiet ciapierašniaha rasśledavańnia»,
— zajaviŭ na pres-kanfierencyi 3 sakavika pradstaŭnik Ministerstva abarony Hiermanii.
Čytajcie jašče:
Ministr abarony Hiermanii vykazaŭsia nakont uciečki razmoŭ niamieckich vajskoŭcaŭ pra rakiety Taurus
Čamu Makron raptam zahavaryŭ pra mahčymy ŭvod zachodnich vojskaŭ va Ukrainu
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu5
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1818
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich18
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary