Ministr abarony Hiermanii vykazaŭsia nakont uciečki razmoŭ niamieckich vajskoŭcaŭ pra rakiety Taurus
Ministr abarony Hiermanii Barys Pistoryus nazvaŭ publikacyju pierachoplenaj razmovy niamieckich vajskoŭcaŭ «hibrydnaj atakaj».
Jon prakamientavaŭ publikacyju pierachoplenaj telefonnaj razmovy słužboŭcaŭ bundeśviera ab mahčymaj pastaŭcy Taurus va Ukrainu (pra toje, što było ŭ toj uciečcy, možna pračytać tut). Jaho słovy pryvodzić Bild.
Pucin, sa słoŭ ministra, viadzie «infarmacyjnuju vajnu» suprać Hiermanii. Pistoryus zajaviŭ, što daručyŭ pravieści poŭnaje rasśledavańnie incydentu, vyśvietlić paŭnamoctvy aficeraŭ i karektnaść vybaru srodku suviazi — instrumienta WebEx.
Jon čakaje infarmacyju pra rasśledavańnie Słužby vajennaj kontrraźviedki adnosna dakładnych pieradumoŭ incydentu ŭ bližejšyja niekalki dzion. Tolki paśla hetaha možna budzie prymać rašeńnie ab nastupstvach, u tym liku kadravyja, piša Tagesschau.
Ministr abarony FRH zaklikaŭ nie vieścisia «na chitryki Pucina» i razhladać toje, što adbyłosia ŭ bolš šyrokim kantekście: nie vypadkova Rasija apublikavała zapis u kancy tydnia, jaki byŭ poŭny krytyčnych padziej dla Kramla. U pryvatnaści, havorka idzie pra raźvitańnie z zahinułym apazicyjanieram Alaksiejem Navalnym u Maskvie i novaje vykryćcio eks-mieniedžara Wirecard Jana Marsaleka (samamu vyšukvanamu čałavieku ŭ Hiermanii dapamahli schavacca rasijskija śpiecsłužby).
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary