Kiraŭnik raźviedki Małdovy zajaviŭ pra płany Rasii pieraškodzić jaje ŭstupleńniu ŭ ES
Rasija płanuje hibrydnuju ataku na Małdovu z metaj padarvać jaje płan pa ŭstupleńni ŭ Jeŭrasajuz, zajaviŭ dyrektar Słužby raźviedki i biaśpieki krainy Alaksandru Muściata, piša RBK.
Kampanija, sa słoŭ Muściaty, budzie ŭklučać u siabie «biesprecedentny ŭzrovień intensiŭnaści dziejańniaŭ Rasii». Małdaŭskija ŭłady vyjavili infarmacyju, jakaja paćviardžaje namier Maskvy sarvać prezidenckija vybary i refierendum ab ustupleńni Małdovy ŭ ES, zajaviŭ jon.
Prezidenckija vybary projduć u Małdovie ŭ kancy 2024 hoda. Na ich kiraŭnik dziaržavy Maja Sandu maje namier bałatavacca na druhi termin.
Refierendum pa pytańni ŭstupleńnia Małdovy ŭ Jeŭrasajuz Sandu inicyjavała ŭ śniežni 2023 hoda, kali abviaściła ab svaim vyłučeńni na novy termin. Kraina stała kandydatam u členy ES u červieni 2022 hoda. 14 śniežnia 2023 hoda Brusel vyrašyŭ pačać z Kišyniovam pieramovy ab siabroŭstvie.
Muściata abvinavaciŭ rasijski bok u płanach pravieści takuju kampaniju ciaham nastupnych dvuch miesiacaŭ. Maskva, ź jaho słoŭ, maje namier padtrymlivać prarasijskija pratesty, u pryvatnaści, z vykarystańniem sacsietak, a taksama akazvać sadziejničańnie Prydniastroŭju.
U Prydniastroŭi ŭ kancy lutaha prajšoŭ pieršy za 18 hadoŭ Źjezd narodnych deputataŭ usich uzroŭniaŭ, dzie, u pryvatnaści, była pryniataja dekłaracyja sa zvarotam da rasijskich Savieta Fiederacyi i Dziarždumy.
Udzielniki źjezdu źviarnulisia da parłamienta «z prośbaj ab realizacyi dypłamatyčnych mier pa abaronie Prydniastroŭja va ŭmovach uzmacnieńnia cisku Małdovy».
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary