Pra svajo zvalnieńnie datul niaźmiennaja dyrektarka telekanała «Biełsat» Ahnieška Ramašeŭska paviedamiła na svajoj staroncy ŭ fejsbuku.
Pavodle ŭžo byłoj dyrektarki, jaje zvolnili paśla 17 hadoŭ pracy na «Biełsacie» i 32 hadoŭ pracy na Polskim telebačańni. Pry hetym joj nibyta śpiarša prapanavali zvolnicca pa ŭłasnym žadańni i «z załatym parašutam», to-bok na vielmi dobrych umovach, ale žančyna na heta nie pahadziłasia.
Što da budučyni «Biełsata», to jahony biudžet, pa słovach Ahnieški Ramašeŭskaj, budzie pa rašeńni MZS źmienšany na 47%, a rasiejskamoŭnyja prahramy z kanała buduć pieradadzienyja kanału TVP World. Byłaja dyrektarka «Biełsata» ličyć heta pamyłkaj, bo sprava prasoŭvańnia praŭdzivaj infarmacyi na ŭschod ad hetaha, na jaje dumku, stracić.
Kamientary