Kitaj abvinavacili ŭ maštabnym uzłomie, «jaki zakranuŭ miljony ludziej». Što viadoma?
Amierykanskija i brytanskija čynoŭniki aficyjna abvinavacili śpiecsłužby Kitaja ŭ maštabnaj špijonskaj kampanii suprać «krytykaŭ Piekina», jakaja mahła zakranuć šmatlikija arhanizacyi, a taksama aficyjnych asob, navukoŭcaŭ, žurnalistaŭ, dysidentaŭ i inšych ludziej pa ŭsim śviecie. Pad udar mahli trapić miljony.
Pa infarmacyi čynoŭnikaŭ ZŠA i Vialikabrytanii, u śviecie adbyłasia masavaja chakierskaja ataka na «krytykaŭ kitajskaha režymu», u liku jakich apynulisia zakanadaŭcy, navukoŭcy, žurnalisty, hramadskija dziejačy, abaronnyja i kamiercyjnyja kampanii, a taksama roznyja bazy danych pa ŭsim śviecie, pieradaje ahienctva Reuters.
U maštabnaj kibieršpijonskaj kampanii abvinavacili kitajskuju chakierskuju hrupoŭku «APT31», jakuju amierykanskija čynoŭniki nazvali «adnym z padraździaleńniaŭ Ministerstva dziaržbiaśpieki Kitaja».
Tolki ŭ ZŠA, pavodle aficyjnaha abvinavačvańnia, uzłom pryvioŭ da faktyčnaj ci patencyjnaj kampramietacyi pracoŭnych rachunkaŭ, asabistych elektronnych listoŭ, anłajn-schoviščaŭ i zapisaŭ telefonnych zvankoŭ, jakija naležali miljonam amierykancaŭ.
«Metaj hłabalnaj chakierskaj apieracyi było padaŭleńnie krytykaŭ kitajskaha režymu, a taksama skampramietavańnie dziaržaŭnych ustanoŭ i kradziež kamiercyjnaj tajamnicy», — zajaviła ŭ paniadziełak namieśnica hienieralnaha prakurora ZŠA Liza Manaka.
Z padobnymi abvinavačvańniami vystupiła i Vialikabrytanija, zajaviŭšy, što pad udar kitajskich chakieraŭ trapili brytanskija parłamientaryi i ich elektronnaja pošta.
Kitaj, u svaju čarhu, nazvaŭ abvinavačańni suprać siabie «sfabrykavanym i złamysnym paklopam».
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy1818
Kamientary