Eks-premjer Manholii chitrym čynam kupiŭ dźvie raskošnyja kvatery na Manchetanie, ciapier Hienprakuratura ZŠA choča ich adabrać
Pa danych prakuratury, jon kupiŭ ich na «adkaty».
Amierykanskaja prakuratura padała ŭ sud chadajnictva ab kanfiskacyi ŭ byłoha premjer-ministra Manholii Suchbaataryna Batbołda dźviuch kvater u centry Ńju-Jorka koštam 14 młn dalaraŭ, paviedamlaje Bi-bi-si.
U padadzienych u sud materyjałach havorycca, što kali Batbołd byŭ premjer-ministram — jon zajmaŭ hetuju pasadu ŭ 2009-2013 hh. — kampanija, jakuju jon kantralavaŭ praz pasiarednikaŭ, atrymała zapar na zdabyču karysnych vykapniaŭ na 68 młn dalaraŭ. Pry hetym kampanija, jakaja zvałasia Catrison, nie mieła nijakaha dośviedu ŭ hornazdabyŭnoj halinie,
a kiravaŭ joju były nastaŭnik-fiłołah.
Častku atrymanych hrošaj Batbołd, pa źviestkach prakuratury, patraciŭ na dźvie raskošnyja kvatery ŭ centry Manchetena. U adnoj ź ich žyŭ jaho syn.
Sam eks-premjer, ciapier deputat parłamienta Manholii, abviarhaje abvinavačańni. Asabista suprać jaho amierykanskija prakurory abvinavačvańni nie vyłučali — ich pazoŭ tyčycca tolki kvater.
Ciapier čytajuć
Łukašenka patłumačyŭ, čamu jaho nie vidać pa sieradach i subotach20
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary