Šajhu ŭručyŭ zorku hieroja hienierału, jaki pakłaŭ tysiačy sałdat pry zachopie Aŭdziejeŭki
«Heta najvyšejšaje zvańnie ŭ našaj krainie i, biezumoŭna, vy jaho zasłužyli».
Ministr abarony RF Siarhiej Šajhu ŭručyŭ miedal «Załataja Zorka» kamandujučamu Centralnaj hrupoŭkaj vojskaŭ na vajnie va Ukrainie hienierału Andreju Mardvičovu za zachop Aŭdziejeŭki, piša The Moscow Times.
«Hetaje vyšejšaje zvańnie ŭ našaj krainie i, biezumoŭna, vy jaho zasłužyli», — zajaviŭ Šajhu, uznaharodziŭšy vajskoŭca akramia miedala jašče i hienieralskaj šaškaj.
Bitva za Aŭdziejeŭku, jakuju ŭ siaredzinie lutaha poŭnaściu zaniali rasijskija vojski, akazałasia adnoj z samych kryvavych za dva hady vajny va Ukrainie. Pa kolkaści biezzvarotnych strat kiraŭnictva rasijskaj armii ŭmudryłasia pierasiahnuć armiju SSSR za ŭvieś čas jaje prysutnaści ŭ Afhanistanie. Straty Savieckaj armii i siarod supracoŭnikaŭ KDB i MUS u Afhanistanie z 1979 pa 1989 hh. skłali krychu bolš za 15 000 čałaviek.
Rasiejskija straty skłali bolš za 17 000 čałaviek zabitymi i kala 30 000 paranienymi, paviedamlaŭ Dźmitryj Lichavy, pradstaŭnik apieratyŭna-stratehičnaj hrupoŭki «Taŭryja» USU, jakaja zabiaśpiečvała abaronu Aŭdziejeŭki.
Amal takuju ž kolkaść zabitych nazvaŭ Andrej Marozaŭ, adzin z Z-błohieraŭ.
U dopisie ad 18 lutaha Marozaŭ pracytavaŭ ananimnaha rasijskaha vajskoŭca, pa słovach jakoha, z kastryčnika biezzvarotnyja straty skłali 16 000 čałaviek, va ŭkraincaŭ zahinuła 5000-7000 sałdat.
Ciapier čytajuć
Juraś Ziankovič raskazaŭ pra svajo vyzvaleńnie i šlach u ZŠA1
Kamientary