Samsung viarnuŭ sabie pieršaje miesca na rynku smartfonaŭ
Pryčym u ZŠA kampanija istotna advajavała pazicyi ŭ Apple.
Luty staŭ pieršym miesiacam ź vieraśnia, kali Samsung atrymałasia stać najbujniejšym pastaŭščykom smartfonaŭ u suśvietnym maštabie. Kampanija pastaviła 19,69 młn smartfonaŭ, zaniaŭšy 20% suśvietnaha rynku, piša Business Korea.
Apple pastaviła 17,41 młn smartfonaŭ i maje 18% rynku.
Pa asobnych rehijonach lidarstva Samsung było vykazana jašče macniej, i analityki schilnyja źviazvać heta z udałym debiutam fłahmanskich smartfonaŭ sieryi Galaxy S24 ŭ pačatku hoda.
U Jeŭropie Samsung zachavała za saboj status lidara z 34% rynku smartfonaŭ, a ŭ ZŠA dola rynku Samsung paśladoŭna vyrasła z 20 da 36%, tady jak Apple skaraciła svaju dolu z 64 da 48%.
Heta značyć, u ZŠA kampanija Samsung choć i nie stała lidaram, pazicyi Apple istotna padarvała. U lutym na sieryju Galaxy S24 prypadała 52% usich prodažaŭ Samsung u ZŠA. Jak ličać ekśpierty, amierykanskim pakupnikam impanujuć funkcyi štučnaha intelektu, prapanavanyja novymi madelami smartfonaŭ Samsung.
Jak adznačajecca, u suśvietnych maštabach smartfony Samsung Galaxy S24, pradstaŭlenyja ŭ kancy studzienia, razyšlisia kolkaściu 6,53 młn štuk, kali razhladać stan spraŭ na kaniec lutaha.
Papiaredniaje fłahmanskaje siamiejstva Galaxy S23 da kanca lutaha minułaha hoda zmahło razyścisia ŭ 7,24 młn štuk, ale sieryja Galaxy S24 vyjšła na dziesiać dzion paźniej, tamu pramoje paraŭnańnie nie zusim darečy.
Z 28 sakavika abnaŭleńnia PA, jakija zabiaśpiečvajuć padtrymku štučnaha intelektu, pačali atrymlivać i pradstaŭlenyja ŭ minułym hodzie smartfony sieryj Galaxy S23 i Galaxy Z5.
U druhim paŭhodździ Samsung choča pradstavić novyja smartfony z hnutkim dysplejem.
Ciapier čytajuć
Tramp zajaviŭ, što viadzie z Łukašenkam pieramovy pra vyzvaleńnie častki z 1400 palitviaźniaŭ9
Kamientary