Majkł Duhłas i Skarlet Jochansan akazalisia dalokimi svajakami. Prodki abaich pachodziać ź Biełarusi
Toje, što zorki Majkł Duhłas i Skarlet Jochansan zjaŭlajucca dalokimi svajakami, pakazali vyniki hienietyčnaha daśledavańnia, što admysłova pravodziać na šou «U pošukach svaich karanioŭ». U studzieni pačaŭsia 10-y siezon hetaj prahramy na paŭnočnaamierykanskim kanale PBS.
Jak stała viadoma na šoŭ, 79-hadovy Majkł Duhłas i 39-hadovaja Skarlet Jochansan — svajaki, akciory «majuć identyčnyja haliny DNK na čatyroch roznych chramasomach», što aznačaje, piša Daily Mail, davoli blizkaje svajactva. Vierahodniej za ŭsio, u ich byŭ ahulny prodak pa matčynaj linii z Uschodniaj Jeŭropy.
Majkł Duhłas byŭ vielmi ŭzrušany adkryćciom. «Heta što, žart taki? Heta tak kruta», — skazaŭ jon, dadaŭšy, što ciapier budzie ź nieciarpieńniem čakać novaj sustrečy z «siastroj».
Prahrama «U pošukach karanioŭ» daśleduje hienieałahičnaje dreva zaprošanaha zornaha hościa, kab znajści jaho karani, ab jakich jon moh navat nie padazravać. U kancy kožnaha epizodu ekśpiert paraŭnoŭvaje DNK udzielnika z DNK inšych znakamitaściaŭ, kab daviedacca, ci niama siarod sielebryci dalokich rodnasnych suviaziaŭ.
Miž tym, babula i dziadula Majkła pa baćkoŭskaj linii byli emihrantami z Čavusaŭ. A prababula i pradzied Jochansan pa matčynaj linii byli ź Niaśviža.
«Žyćcio ŭ Dublinie na adnaho kaštuje minimum 4167 jeŭra na miesiac». Biełaruska raskazvaje, jak užo 6 hadoŭ žyvie ŭ Irłandyi
«Bratki! Tut ziamla takaja!» Piatnaccać vyklučna biełaruskich afaryzmaŭ, jakija padaryli našy piśmieńniki
«Nie baču siabie ŭ Biełarusi. Nienarmalna žyć u minułym». Były supracoŭnik Symbal.by ahałomšyŭ pryznańniem
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary
Vy, tam dla siebia ŭžo niejak vyrašycie, chto adkul dy ci Biełaruś vašaja kraina, ci Litva.