«Učora byŭ šuchier». Što adbyvajecca na «Hrodna Azocie» paśla ataki «Kibierpartyzanaŭ»
«Kibierpartyzany» 17 krasavika paviedamili pra ataku na zavod. Patrabujuć vyzvalić palitviaźniaŭ «Hrodna Azota» i 75 palitviaźniaŭ z najhoršym stanam zdaroŭja. Supracoŭnik pradpryjemstva raskazaŭ «Svabodzie», što adbyvałasia paśla ataki «Kibierpartyzanaŭ».
«Učora byŭ šuchier»
«Hrodna Azot» — najbujniejšaje chimičnaje pradpryjemstva Biełarusi sa składanymi pracesami vytvorčaści. Parušeńnie jahonaj pracy moža pahražać ekalahičnaj katastrofaj.
Chakierskaja hrupa «Kiberpartyzany» śćviardžaje, što pad ichnym kantrolem apynulisia sajt pradpryjemstva, unutranaja paštovaja skrynia, sotni pracoŭnych kamputaraŭ, servery, systemy achovy i kamer nazirańnia. Taksama parušanaja praca kacielnaha cechu.
U jakaści dokazaŭ u svaim telehram-kanale hrupa apublikavała zdymki z kameraŭ videanazirańnia i skrynšoty manitoraŭ. Źviestki chakiery abiacajuć adnavić, kali na volu vyjduć usie palitviaźni «Hrodna Azot» i 75 palitviaźniaŭ z najhoršym stanam zdaroŭja.
Sajt pradpryjemstva azot.by pa stanie na 12:00 čaćviarha 18 krasavika nie adkryvajecca. Adbyvajecca aŭtamatyčnaja pieraadrasacyja na staronku work.g-cloud.by — heta chostynh-pravajder Active Cloud, na jakim znachodzicca staronka «Hrodna Azotu». Tam paviedamlajuć, što ciapier «viaducca techničnyja raboty». Na sajcie hazety «Hrodna Azot» niama nijakaj infarmacyi pra incydent.
Pavodle supracoŭnika «Hrodna Azotu» (jaho imia nie nazyvajecca dziela biaśpieki), incydent sapraŭdy ŭčora byŭ. Nakolki surjozna paŭpłyvaŭ na pracu zavodu, jon skazać nia moža. Pra mahčymyja zatrymańni supracoŭnikaŭ infarmacyi pakul taksama niama.
«Učora byŭ šuchier. Ludzi heta abmiarkoŭvajuć, usie viedajuć, chto heta zrabiŭ i čamu. Ale nakolki mocna heta zakranuła pracu, ja nia viedaju. Viedaju, što peŭnyja adnaŭlalnyja pracesy jašče praciahvajucca», — kaža krynica «Svabody».
Na pradpryjemstvie kamentavać sytuacyju ŭ razmovie sa «Svabodaj» nia stali, pakłaŭšy słuchaŭku adrazu paśla pytańnia.
Niekalki miesiacaŭ padrychtoŭki
Da hetaj aperacyi aktyvisty rychtavalisia niekalki miesiacaŭ, raskazała «Svabodzie» pradstaŭnica «Kiberpartyzanaŭ» Juljana Šamietaviec. Ź jejnych słovaŭ, «ataka davoli mocnaja i mahła paŭpłyvać nia tolki na dakumenty i sietki, ale i na vytvorčaść». Akcyja, pavodle jaje, nie mahła naškodzić biaśpiecy ludziej.
Sa słovaŭ Juljany Šamietaviec, «Kiberpartyzany» pakazvajuć toj niebiaśpiečny stan elektronnaj systemy, u jakim znachodziacca biełaruskija pradpryjemstvy. «Kiberpartyzany» kazali, što hatovyja abaraniać klučavyja biełaruskija pradpryjemstvy i infrastruktury, kali režym chacia b pačnie vypuskać palitźniavolenych.
Jak patłumačyła surazmoŭca, «Kiberpartyzany» pranikli ŭ samy ŭnutrany kontur sietki, jakaja zakranaje kiravańnie vytvorčaściu. Pa słovach pradstaŭnicy hrupoŭki, u hetym kontury možna spynić luby cech, lubuju liniju vytvorčaści.
Ciapier čytajuć
Što Babaryka i Kaleśnikava adkazali na pytańni pra vajnu20
Kamientary