U Rasii prakamientavali zajavu KDB nakont litoŭskaj ataki bajavymi dronami pa Minsku
U Rasii nie zastałasia niezaŭvažanaj zajava kiraŭnika KDB Ivana Cierciela pra toje, što biełaruskija śpiecsłužby nibyta pieraduchilili «napady bajavych dronaŭ z terytoryi Litvy na abjekty ŭ Minsku i pryharadach». Tam paabiacali ŭstupicca za Biełaruś, ale pry ŭmovie, što biełaruskija čekisty nie chłusiać.
Deputat Dziarždumy RF Kanstancin Zatulin, vidać, nie mocna pavieryŭ Ciercielu, bo ŭ hutarcy z vydańniem «Hovorit Moskva» adrazu adznačyŭ, što rasijskim uładam «nieabchodna kansultacyja dla ŭdakładnieńnia detalaŭ incydentu».
«Infarmacyja maje patrebu ŭ tłumačeńniach jak ź biełaruskaha, tak i ź litoŭskaha boku. Nie da kanca zrazumieła, što zdaryłasia z hetymi dronami, ci byli jany źbityja, ci znachodziacca jany na terytoryi Biełarusi. Ci moža Biełaruś u vypadku nieabchodnaści prademanstravać ich reštki? Samaje hałoŭnaje — ci byli pry hetym straty niejkija naniesieny Biełarusi. Ad hetaha buduć zaležać kančatkovyja rašeńni«, — skazaŭ Zatulin.
Pry hetym jon dadaŭ, što Rasija za Biełaruś «viadoma, zastupicca».
«Kali havorka idzie ab pahrozie dla Biełarusi, my jaje ŭsprymajem jak pahrozu Rasijskaj Fiederacyi», — skazaŭ jon.
Siońnia staršynia KDB Ivan Cierciel, vystupajučy na UNS, zajaviŭ, što KDB pieraduchiliŭ udary litoŭskich bajavych bieśpiłotnikaŭ pa Minsku. A taksama, pavodle jaho słoŭ, płanavalisia terakty ŭ Ašmianskim, Smarhonskim i Brasłaŭskim rajonach. U Litvie zajavu Cierciela nazvali tryźnieńniem.
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki15
Rabotnikam Centra alimpijskaj padrychtoŭki pa frystajle zabaranili iści na pachavańnie Mikałaja Kazieki
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1515
Kamientary