Inžyniera z «Minskenierha» prysudzili da 9 hadoŭ kałonii pa spravie ČKB
Minski haradski sud prysudziŭ byłoha viadučaha inžyniera «Minskenierha « Artura Piadźko da 9 hadoŭ kałonii za «raspalvańnie varožaści» (artykuł 130 KK), piša dissidentBY.
Sud prajšoŭ 12 krasavika ŭ zakrytym režymie, a jahonyja vyniki stali viadomyja tolki ciapier. Biełarusa vinavacili ŭ tym, što jon źliŭ telehram-kanałam asabistyja danyja bolš za 500 słužbovych asob, jani paśla źjavilisia ŭ «Čornaj knizie Biełarusi» (ČKB).
Akramia turemnaha terminu, mužčyna pavinien vypłacić hrošy pa pazovach «paciarpiełych» ahulnaj sumaj bolš za 100 tysiač dalaraŭ.
Arturu Piadźko ciapier 43 hady, jon ź Minska. Doŭhi čas mužčyna pracavaŭ u enierhasietkach — spačatku inžynieram na «Biełenierhasietkaprajekcie», a paśla ŭ «Minskenierha». Taksama jon mieŭ nievialikuju padpracoŭku — handlavaŭ kaśmietykaj u Minsku praz sacsietki.
Zatrymali Piadźko 25 listapada 2022 hoda, paśla taho jon utrymlivaŭsia ŭ SIZA-1 (na Vaładarcy).
Prysud jamu vynies Siarhiej Chrypač, viadomy tym, što razhladaŭ šmat palityčnych spravaŭ, u tym liku spravu ab nibyta padpale doma Hajdukieviča. Siarod asudžanych Chrypačom — Vadzim Chraśko, jaki pamior u kałonii 9 studzienia 2024 hoda.
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary