Hałoŭnakamandujučy USU: Rasijanie na Charkaŭščynie pašyryli zonu bajavych dziejańniaŭ na 70 kiłamietraŭ
Alaksandr Syrski prahnazuje ciažkija bai i kaža, što vorah da hetaha rychtujecca.
Rasijskija vojski pašyryli zonu aktyŭnych bajavych dziejańniaŭ amal na 70 kiłamietraŭ u Charkaŭskaj vobłaści, takim čynam sprabujučy prymusić ukrainski bok zadziejničać dadatkovyja bryhady z reziervu, paviedamiŭ hałoŭnakamandujučy Uzbrojenych sił Alaksandr Syrski ŭ sacsietkach.
Pavodle jaho słoŭ, u suviazi z uskładnieńniem situacyi na ŭschodzie Ukrainy jon niekalki dzion zapar pracuje ŭ častkach, jakija viaduć bajavyja dziejańni na Charkaŭščynie.
Syrski kaža, što asnoŭnyja namahańni tut vorah zasiarodziŭ na kirunku Stralečča — Lipcy i na zachopie Vaŭčanska, z nastupnym vychadam da Biełaha Kałodzieža i razhortvańniem nastupu ŭ tył našych vojskaŭ.
Z hetaj metaj vorah stvaryŭ i značna ŭzmacniŭ apieratyŭna-taktyčnuju hrupoŭku vojskaŭ «Poŭnač», u skład jakoj uvajšli bajavyja častki 6 armii, 11 i 44 armiejskich karpusoŭ.
Sa słoŭ hałoŭnakamandujučaha, rasijanie pačali nastup značna raniej zapłanavanaha terminu, kali zaŭvažyli pierakidku siudy ŭkrainskich vojskaŭ, adnak im «nie ŭdałosia prarvać našu abaronu».
Syrski prahnazuje ciažkija bai i kaža, što vorah da hetaha rychtujecca.
«Pry takich abstavinach my pavinny nie dapuścić dalejšaha prasoŭvańnia varožych vojskaŭ ustojlivym utrymańniem zajmanych rubiažoŭ i pazicyj, udarami avijacyi, rakietnych sistem, ahniom artyleryi i tankaŭ nanieści jamu maksimalnyja straty, a taksama stvaryć umovy dla razhromu dziejańniami mabilnych šturmavych hrup i padraździaleńniaŭ napadami ŭ fłanh i tył z roznych napramkaŭ», — skazaŭ Syrski.
Akramia taho, Syrski papracavaŭ va ŭsich bryhadach, jakija viaduć bajavyja dziejańni ŭ Charkaŭskaj vobłaści, byŭ u adnym z bataljonaŭ, jaki abaraniaje Vaŭčansk, «na miescy pryniaŭ usie nieabchodnyja rašeńni dla zabieśpiačeńnia ŭstojlivaści i efiektyŭnaści abarony».
Pavodle jaho słoŭ, charkaŭčanie i žychary Charkaŭskaj vobłaści aktyŭna dałučajucca i dapamahajuć siłam abarony.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary