Vybarčaja kamisija pa vybarach u Kaardynacyjnuju radu razhledzieła našumieły kiejs z rassyłkaj Alaksandram Azaravym paviedamleńnia praz čat-bot płana «Pieramoha».
Siabry Vybarčaj kamisii vysłuchali apraŭdańni Alaksandra Azarava, jaki ŭ asnoŭnym paŭtaryŭ arhumienty, užo vykazanyja raniej.
Asnoŭnaje, na čym jon hruntuje svaju abaronu — što jahonaja rassyłka nie stvaraje niebiaśpieki ŭdzielnikam płana «Pieramoha», bo rabiłasia z zachavańniem usich pravił biaśpieki. Da taho ž udzielniki płana «Pieramoha», padpisvajučysia na jaho, pahadžalisia atrymlivać paviedamleńni ŭ bocie.
Matyvacyja rassyłki była, maŭlaŭ, tolki takaja, kab ludzi prynamsi daviedalisia pra vybary, bo tak, na dumku Azarava, pra ich mała chto viedaje. Što tyčycca ahitacyi ŭ tym paviedamleńni za svoj ułasny śpis, to Azaraŭ pryznaŭ, što heta było lišnim, i druhi raz jon tak nie rabiŭ by.
Pamiž siabrami kamisii i Azaravym razharnułasia dyskusija, u chodzie jakoj nichto z kamisii nie stanaviŭsia całkam na jahony bok i ŭsie tak ci inačaj pryznavali, što parušeńnie było, ale razyšlisia ŭ pohladach na toje, jak Azaraŭ musić być za heta pakarany i što rabić z hetym śpisam.
U vyniku pryniali rašeńnie, što jość tolki dva vartyja varyjanty vychadu ź situacyi:
1) Azaraŭ dobraachvotna admaŭlajecca ad asabistaha bałatavańnia ŭ Kaardynacyjnuju radu, i tady śpis zastajecca, ale ŭžo bieź jaho.
2) Kali Azaraŭ dobraachvotna adyści ŭ bok admaŭlajecca, to z udziełu ŭ vybarach zdymuć uvieś śpis.
Hučali, praŭda, i prapanovy pakinuć usio jak jość, i chaj vyrašajuć vybarščyki. Ale asablivaj padtrymki takaja pazicyja nie znajšła.
U vyniku, jak i Turarbiekavaj, Alaksandru Azaravu dali čas na pryniaćcie rašeńnia da 9-j ranicy 24 maja. Paśla taho Vybarčaja kamisija prahałasuje za kančatkovaje rašeńnie ŭ zaležnaści ad taho, što vyrašyć Azaraŭ.
Rozie Turarbiekavaj daviadziecca vyklučyć dvuch mužčyn sa svajho vybarčaha śpisu, kab adpaviadać hiendarnym kvotam
Cichanoŭskaja: Zabrali ŭ Azarava dostup da čat-bota «Pieramoha»
Padpisanym na płan «Pieramoha» pryjšło apaviaščeńnie: hałasujcie za Azarava. Što adbyvajecca i ŭ čym niebiaśpieka
«Chacieli pryciahnuć uvahu da vybaraŭ u KR». Bajpoł adkazaŭ na krytyku vykarystańnia čat-bota płana «Pieramoha»
Milicyja śćviardžaje, što padčas zatrymańnia Stanisłava Puciacina jamu pryjšło apaviaščeńnie z płana «Pieramoha»
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha40
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141141
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu141
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
Kamientary