Biełaruskaha psichołaha i vykładčyka nie stała 12 červienia na 68 hodzie žyćcia.
Pra heta paviedamiła ŭ svaim telehram-kanale Biełaruskaja sacyjał-demakratyčnaja partyja (Hramada).
Alaksandr Vasilevič Prudziła naradziŭsia 8 sakavika 1956 hoda ŭ Hrodnie. Skončyŭ u 1978 hodzie historyka-piedahahičny fakultet Hrodzienskaha dziaržaŭnaha ŭniviersiteta imia Ja. Kupały.
U 1980-1981 hadach pracavaŭ starejšym łabarantam navukova-daśledčaha siektara Hrodzienskaha dziaržaŭnaha ŭniviersiteta imia Ja. Kupały. U 1981 — 1986 hadach sacyjołaham Hrodzienskaha zavoda kardannych vałaŭ, u 1986 — 1987 hadach sacyjołaham Hrodzienskaha zavoda aŭtamahnitoł, u 1987 — 1996 hadach hałoŭnym prafkansultantam Hrodzienskaha haradskoha centra prafiesijnaj aryjentacyi moładzi.
U 1996 — 1999 hadach zahadčyk kursa ahulnaj psichałohii kafiedry miedycynskaj psichałohii i psichaterapii Hrodzienskaha miedycynskaha instytuta. U 2000 — 2002 hadach dacent kafiedry ahulnaj i sacyjalnaj psichałohii, paśla da 2008 hoda - zahadčyk kursa ahulnaj psichałohii kafiedry psichijatryi.
Z 2009 hoda zajmaŭ pasadu starejšaha vykładčyka kafiedry ekśpierymientalnaj i prykładnoj psichałohii.
Prudziła aŭtar 52 navukovych prac i 13 ukaranieńniaŭ. Zajmaŭsia pytańniami psichałohii pracy i etnapsichałohii. Siarod ich manahrafija «Psichałahičnaje kansultavańnie ŭ prafiesijnaj aryjentacyi» i padručnik dla ahulnaadukacyjnych ustanoŭ «Tvaja prafiesijnaja karjera».
Zachaplaŭsia mastactvam: ad płakataŭ na papiery, da partretaŭ i piejzažaŭ alejnymi farbami na pałatnie.
Udzielničaŭ u hramadskim i palityčnym žyćci, źjaŭlaŭsia siabram Hrodzienskaha hramadskaha abjadnańnia praktyčnych psichołahaŭ, a taksama Biełaruskaj sacyjał-demakratyčnaj partyi (Hramada).
«Nievierahodnaja papularnaść Alaksandra Vasileviča siarod studentaŭ pryvodziła šmat kaho ź ich da doŭhaha i tryvałaha siabroŭstva», — adznačajuć supartyjcy ŭ niekrałohu.
«Naša Niva» — bastyjon biełaruščyny
PADTRYMAĆCiapier čytajuć
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha3535
Nastaśsia Kaściuhova pra pazicyju Statkieviča i Cichanoŭskaj: Prapanova «dacisnuć» hučyć jak prapanova jašče pačakać niezrazumieła čaho i jak doŭha35
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary