Śviet33

Pucin sprabuje pieradać chusitam balistyčnyja i kryłatyja rakiety — amierykanskaja vyviedka

«Heta stanie dla nas pavarotnym momantam, kali Rasija nie spynicca».

Uładzimir Pucin i Alaksandr Łukašenka na fonie abstralanaha jemienskimi chusitami handlovaha sudna ŭ Čyrvonym mory. Foty: AP / Contributor Getty Images. Kałaž: «Naša Niva»

Brytanskaje vydańnie Middle East Eye sa spasyłkaj na krynicy ŭ Pientahonie i vyviedcy ZŠA paviedamlaje, što Pucin paprasiŭ kiraŭnictva Saudaŭskaj Aravii dazvolić jamu tranzit na pastaŭku rasijskich supraćkarabielnych kryłatych i balistyčnych rakiet u ruki jemienskich chusitaŭ, jakija praciahvajuć atakavać adnu z samych istotnych u śviecie handlovych arteryj u Čyrvonym mory.

Kali heta adbudziecca, heta stanie pavarotnym momantam dla ZŠA, zajavili apytanyja amierykanskija čynoŭniki.

Na ich dumku, namahańni Kramla źviazany ź jaho žadańniem zraŭniać staŭki z Zachadam na fonie vierahodnaha pačatku poŭnamaštabnaj vajny pamiž Izrailem i «Chiezbałoj», jakaja moža asłabić pazicyi Irana i Rasii ŭ rehijonie. Da taho ž, Kreml moža spadziavacca, što pastaŭki chusitam rasijskich rakiet adciahnuć uvahu Zachada ad Ukrainy, upeŭnieny čynoŭniki.

Ale kiraŭnictva Saudaŭskaj Aravii, jakoje daŭno varahuje z chusitami i navat viało suprać ich vajnu, admoviła Pucinu ŭ jaho prośbie. 

«Abmierkavańni hetaha pytańnia pačalisia paśla vizitu Pucina ŭ Saudaŭskuju Araviju ŭ śniežni minułaha hoda. Padčas sustrečy Uładzimir Pucin i naśledny prync Saudaŭskaj Aravii Machamied Ben Sałman damovilisia «likvidavać napružanaść» u rehijonie. Ale niadaŭniaja prośba Pucina ab tranzicie rakiet vyklikała niezadavolenaść Sałmana, i toj admoviŭ Pucinu», — piša Middle East Eye sa spasyłkaj na krynicy.

Nahadajem, što chusity — heta vajenizavanaja i radykalnaja isłamisckaja hrupoŭka, jakaja kantraluje tracinu terytoryi Jemiena (mižnarodnaj supolnaściu ich ułada tam nie pryznanaja) i abstrelvaje lubyja karabli, jakija zachodziać u Čyrvonaje mora, što surjozna parušaje hłabalnaje sudnachodstva.

Chusity dziejničajuć u ciesnym sajuzie ź Iranam, jaki źjaŭlajecca ich asnoŭnym fundataram i zastupnikam. Rukami chusitaŭ Iran sprabuje dapamahčy bajevikam CHAMAS u siektary Hazy i nacisnuć na krainy Zachada.

Jak tolki izrailskaja armija ŭvajšła ŭ Hazu ŭ adkaz na masavaje terarystyčnaje ŭvarvańnie CHAMAS, chusity adrazu pačali atakavać handlovyja sudny ŭ Čyrvonym mory, jakija, pa ich śćviardžeńniach, źviazanyja ź Izrailem, adnak nieŭzabavie pieraklučylisia i na ŭsie astatnija. 

Kamientary3

  • Smyk
    30.06.2024
    Dy ŭvieś toj rehijon duža padlučy. Ja nia ćvieržu, što ŭsie zapar, ale zbolšaha. Zradlivy j pradažny. Adnym słovam - hadziučnik. Dobra b, kab vynajšli niejkuju efiektyŭnuju krynicu enerhii, naŭzamien vuhlevadarodam, niachaj by siadzieli tam na svajoj nikomu niepatrebnaj nafcie dy ŭ piasku porkalisia, razam z kamalami, jak heta j było zaŭždy.
  • Parada
    30.06.2024
    Moža treba Ukrainie pieršynhi pieradać?
  • KS
    30.06.2024
    Havaryli u Raśsii rakiet na tury dni.

Ciapier čytajuć

U Biełarusi krytyčna padaje naradžalnaść. A jak u susiednich krainach?14

U Biełarusi krytyčna padaje naradžalnaść. A jak u susiednich krainach?

Usie naviny →
Usie naviny

U Biełarusi ŭvodziać novyja valutnyja abmiežavańni2

Pašynian zaklikaŭ pazbavić pasady Katalikosa ŭsich armian, bo ŭ taho znajšłosia dzicia2

Naściu Rybku prymusili vybačacca za rolik u instahramie. Padpisčyc razzłavała jaje videa z Pucinym13

«Pažyvi ŭ maim domie»: Usik zaprasiŭ Trampa va Ukrainu na tydzień3

U Ałmaty zasnavalnik «biaśpiečnaj ŁHBT-prastory» zhvałciŭ svajho padnačalenaha, pakul toj spaŭ8

Orban: Ruskija razumiejuć tolki movu siły, ale Rasija — nie pahroza dla NATA, bo nie moža spravicca navat z Ukrainaj7

Vyhuł sabak staŭ formaj pratestu ŭ Iranie3

Minhandlu znajšło aŭtara pravakacyjnych upakovak «Sasi žuj» u kramach11

«Kala 70% — biełarusy». Jak Playtika skaraciła varšaŭski ofis za adziny dzień1

bolš čytanych navin
bolš łajkanych navin

U Biełarusi krytyčna padaje naradžalnaść. A jak u susiednich krainach?14

U Biełarusi krytyčna padaje naradžalnaść. A jak u susiednich krainach?

Hałoŭnaje
Usie naviny →

Zaŭvaha:

 

 

 

 

Zakryć Paviedamić