Kamaroŭka, Zachodni rynak, handal kala mietro: dzie ciapier tańniejšyja jahady i hryby?
Dzie lepš i bolš vyhadna kuplać jahady i hryby letam? Žurnalisty Myfin.by vyrašyli pravieryć i źjeździli na Kamaroŭku dy Zachodni rynak, a taksama pahladzieli, kolki kaštujuć dary sadoŭ i lesu ŭ babul, jakija handlujuć kala mietro.
«Jakaja praca — takaja i cana». Handal u mietro
Spačatku vypraŭlajemsia da mietro, dakładniej — pierachodu, raźmieščanamu na stancyi «čyrvonaj» halinki. Tut, jak zaŭsiody, davoli ažyŭlena: pradajuć kvietki, jahady i ŭsio toje, što vyrasła na ŭłasnych aharodach.
Žančyny, kali ich spytacca, paśpiešliva nazyvajuć ceny i pačynajuć raschvalvać svoj tavar.
Takim čynam, kłubnicy — kala 8-10 rub. za 1 kh, litrovaje viadzierca čyrvonaj parečki pradajuć za 5 rub. Maliny kaštujuć 5 rub. za šklanku 250-300 mł, čarnicy — 10 rub. za 1 kh, ahrest — 8 rub. za 1 kh. Litrovaje viadzierca lisičak možna nabyć za 10 rub.
Vielmi darahija sunicy. Zusim maleńkaja šklanka jahad — 5 rub., za 1 kh prosiać 30 rub.
«Jakaja praca — takaja i cana. Jahad u lesie ŭžo niašmat, źbirała niekalki hadzin, možna skazać, nie razhinajučy śpiny», — patłumačyła pradavačka.
Pa kolki jahady na Zachodnim rynku?
Nastupny punkt — Zachodni rynak, jaki znachodzicca pablizu mietro «Kuncaŭščyna». Rynak nievialiki, ale vielmi kampaktny. Tut jość krytyja paviljony i pryłaŭki, raźmieščanyja na vulicy. Jahady pradajuć u asnoŭnym na vulicy.
Ceny takija: bujaki možna kupić za 14 rub., kłubnicy — 6,5-8 rub., maliny — 11-15 rub., čarešniu — za 13,5-14 rub., čyrvonyja parečki — za 4 rub., čarnicy — za 9-10 rub. Heta košt jahad za 1 kh.
Kamaroŭka — jahadnaje bahaćcie
Asnoŭnaja pieravaha Kamaroŭskaha rynku — heta raznastajnaść prapanoŭ. Ź jahad pakul na rynku bolš za ŭsio truskavak i čarešni, ale i bujakoŭ užo niamała. A jašče znajšli čarnicy, šaŭkoŭnicu, malinu, ahrest, parečki, sunicy. Uvohule, jahadnaje bahaćcie, na luby hust i kašalok.
Što tyčycca cenaŭ, samyja tannyja kłubnicy kaštujuć 5,5 rub. za 1 kh. Jahady pradajucca z prypiskaj «na vareńnica».
Niedarahuju čarešniu znajšli za 6,9 rub. za 1 kh, jahady z Małdovy. Samuju darahuju — za 22 rub. Paznačajecca, što jahady prybyli z Armienii i što jany vielmi sałodkija i chrabustkija. U asnoŭnym ža cana na hetyja jahady — kala 8-10 rub. za kh.
Siaredniaja cana na čarnicy — kala 10 rub., na bujaki — 11 rub. Ale sustrakałasia bujaki i pa 13-15 rub.
Ažyny pradajuć pa 11-12 rub. Hetyja jahady pradavali tolki ŭ troch miescach.
Cana višniaŭ — 6 rub. za kh, sunic — 25 rub. za 1 kh.
Cana na ahrest — ad 7 da 8,5 rub. za 1 kh, na biełuju i čyrvonuju parečku — kala 4-5 rub. za 1 kh, čornyja parečki — 6-7 rub.
U adnym miescy pradavalisia čornyja maliny ŭ łatkach pa paŭtara litra, košt jahad — 10-12 rub. (za łatok). Z hryboŭ u prodažy byli tolki lisički. Košt — 10 rub. za kiło lasnych hryboŭ.
Dyk dzie ž tańniej?
Lisički pradajucca pa adnoj canie za kiłahram — što na Kamaroŭcy, što ŭ babul u mietro. Bujaki i čarešnia — samyja tannyja na Kamaroŭcy. Čarnicy ŭsiudy pradajucca prykładna pa adnoj canie — 10 rub. za kh. Sunicy akazalisia daražejšymi ŭ babuli, jakaja handluje ŭ mietro, čym na Kamaroŭcy. Maliny tańniejšyja na Kamaroŭcy, čym na Zachodnim rynku.
Ale, kali ščyra, niejkaj zanadta vialikaj raźbiežki ŭ cenach niama. Adnak na Kamaroŭcy ŭsio ž taki z razhledžanych tut varyjantaŭ jahady samyja dastupnyja.
«Miadźviedź asabista źbiraŭ?» U Biełarusi znajšli malinu pa šalonaj canie
«Za raz sabraŭ 500 hryboŭ!» Biełarus navučyŭsia biespamyłkova vyznačać supieruradžajnyja palany
Hrybnik naźbiraŭ na Minščynie zajzdrosnuju palanu baravikoŭ i padasinavikaŭ
Na Kamaroŭcy źjavilisia pieršyja baraviki. Kolki prosiać?
Kamientary