Telekanał CNN sa spasyłkaj na niekalki daśviedčanych surazmoŭcaŭ paviedamiŭ, što raźvieddanyja pra namiery Irana zrabić zamach na Donalda Trampa byli atrymanyja ZŠA ŭ apošnija tydni. Adnak, sa słoŭ krynic vydańnia, nijakich prykmiet taho, što da hetaj zmovy byŭ datyčny Tomas Mećju Kruks, jaki stralaŭ u Donalda Trampa na mitynhu 13 lipienia, niama.
Pavodle infarmacyi CNN, atrymanyja ŭładami ZŠA raźvieddanyja pryviali da taho, što Sakretnaja słužba ŭzmacniła miery biaśpieki vakoł Trampa. Surazmoŭcy vydańnia kažuć, što viedamstva nieadnarazova pieraścierahała štab Trampa ad praviadzieńnia mitynhaŭ na adkrytym pavietry, dzie niemahčyma kantralavać dostup.
Akramia taho, u niejki momant, zaŭvažajuć krynicy CNN, štab pierastaŭ pravodzić spantannyja nieaficyjnyja mierapryjemstvy biez papiaredniaj pravierki ŭdzielnikaŭ Sakretnaj słužbaj. Ci byli pahrozy z boku Irana daviedzienyja da pieradvybarčaha štaba Trampa — nieviadoma, piša CNN.
U štabie zajavili, što nie kamientujuć infarmacyju, źviazanuju ź biaśpiekaj kandydata ŭ prezidenty.
Iran kateharyčna admaŭlaje isnavańnie jakich-niebudź płanaŭ z metaj zabojstva Trampa. Pradstaŭnik Isłamskaj Respubliki Iran pry AAN zajaviŭ, što takija abvinavačvańni źjaŭlajucca nieabhruntavanymi.
U toj ža čas, jak adznačaje CNN, Iran nieadnarazova abiacaŭ adpomścić za zabojstva amierykanskimi vajskoŭcami kamandujučaha Korpusam vartavych isłamskaj revalucyi Kasiema Sulejmani ŭ studzieni 2020 hoda. Tramp nazyvaŭ jaho adkaznym za zabojstvy i ranieńni tysiač amierykancaŭ i kazaŭ, što Sulejmani «treba było likvidavać šmat hadoŭ tamu».
Niamiecki žurnalist cynična pažartavaŭ ab zamachu na Trampa
Tramp upieršyniu źjaviŭsia na publicy ź pieraviazanym vucham paśla strełaŭ u Piensilvanii FOTA
Respublikanskaja partyja aficyjna vyłučyła Trampa kandydatam u prezidenty ZŠA
Tramp nazvaŭ svajho kandydata ŭ vice-prezidenty
Paśla zamachu na Trampa akcyi jaho kampanii ŭźlacieli na 77%
Tramp raskazaŭ, što cudam jaho vyratavała ad kuli
Ciapier čytajuć
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary
Sapraŭdy nadziejnaja krynica, nikolki nie pieraduziataja.
Kenedzi taksama pa zamovie Irana zabili?
Usie viedajuć, chto płanavaŭ i vykonvaŭ - deep state, bo ŭ hetym razam adryŭ vielmi vialiki i ŭžo biuleteni pa pošcie nie paŭkidvaješ.