Čarhovaja hańba biełaruskaha futboła. «Isłač» vylecieła ź jeŭrakubkaŭ, prajhraŭšy kamandzie z San-Maryna
Biełaruskaja kamanda sastupiła «La-Fijarycie» ŭ sieryi pienalci ŭ pieršym raŭndzie kvalifikacyi Lihi kanfierencyj.
Tydzień tamu ŭ San-Maryna biełaruski kłub pieramoh ź likam 1:0. Praŭda, u aŭtorak nie zmoh vylecieć u Vienhryju, dzie pravodzić chatnija pajadynki. Ale «Isłač» pryjechała ŭ Vienhryju a 6-j ranicy ŭ sieradu, tamu čas na adnaŭleńnie byŭ.
Siońniašni matč išoŭ da nulavoj ničyi, ale pry kancy druhoha tajma san-maryncy zabili i pieraviali jaho ŭ aviertajm.
Dadatkovy čas hałoŭ nie prynios, a ŭ sieryi pienalci «La-Fijaryta» vyjhrała 4:2, pryčym ich hałkipier adbiŭ dva ŭdary biełarusaŭ, a sami san-maryncy raz trapili ŭ štanhu.
«Isłač» śledam za lidaram čempijanatu Biełarusi «Tarpieda-BiełAZam» vylataje ź jeŭrakubkaŭ užo na pieršaj stadyi.
«La-Fijaryta» — šaścirazovy čempijon San-Maryna pa futbole, ale kamanda nikoli nie prachodziła ŭ druhuju stadyju jeŭrakubkaŭ. U kamandy da siońnia byli 22 parazy i try ničyi. Ale biełarusy ŭmiejuć rabić cudy.
Siońnia FIFA apublikavała śviežy rejtynh futbolnych zbornych. Zbornaja San-Maryna tam zajmaje apošni 210-y radok, u rejtynhu jeŭrapiejskich čempijanataŭ jany taksama apošnija.
U kvalifikacyi jeŭrakubkaŭ u Biełarusi zastalisia dva pradstaŭniki.
Na nastupnym tydni z druhoha raŭndu kvalifikacyi Lihi kanfierencyj ustupaje hrodzienski «Nioman». Jaho supiernikam budzie rumynski «Kłuž».
Prajšło pieršuju stadyju kvalifikacyi Lihi čempijonaŭ minskaje «Dynama».
U druhim raŭndzie jaho supiernikam budzie bałharski «Łudahorac», ale navat kali «Dynama» prajhraje, jano budzie mieć druhi šaniec u kvalifikacyi Lihi Jeŭropy, a potym płej-of Lihi kanfierencyj.
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Smačna jeści, panovie!