Rasijskija aktyvisty paskardzilisia patryjarchu Kiryłu na Vienijamina — jon nie molicca za pieramohu
U Biełaruskim ekzarchacie RPC za pieramohu Rasii nad Ukrainaj nie molacca — zamiest hetaha ŭ BPC abrali niejtralnuju «malitvu ab miry».
Rasijski Instytut krain SND, jaki zajmajecca «navukovym abhruntavańniem i prasoŭvańniem rasijskich intaresaŭ u krainach SND», pravioŭ kruhły stoł na temu «UPC: kałabaracyjanizm i spaviednictva».
Na mierapryjemstvie ŭ asnoŭnym abmiarkoŭvałasia stanovišča UPC Maskoŭskaha patryjarchatu i tak zvany «ŭkrainski raskoł». Adnak raptam razmova na kruhłym stale zajšła i pra Biełaruś, a kankretna pra pradstajaciela BPC MP mitrapalita Vienijamina.
Napiaredadni «Chryścijanskaja vizija» zaŭvažyła, što mitrapalit na liturhii ŭ Pietra-Paŭłaŭskim sabory ŭ Miensku zamiest malitvy «Ab Śviatoj Rusi», jakuju abaviazali čytać va ŭsich chramach RPC i ŭ tekście jakoj utrymlivajecca faktyčna prašeńnie ab pieramozie Rasii nad Ukrainaj, pračytaŭ niejtralnuju «Malitvu ab miry prapadobnaha Siłujana Afonskaha».
Rasiejskija pravasłaŭnyja aktyvisty ŭhledzieli ŭ hetym, ni mnoha ni mała, «pieršy krok da raskołu». Pra heta, u pryvatnaści, napisaŭ Kirył Frałoŭ — supracoŭnik taho samaha Instytuta krain SND, aktyŭny prapahandyst vajny z Ukrainaj.
Na kruhłym stale jon abmierkavaŭ z supracoŭnikam Akademii navuk Dźmitryjem Kunickim, jaki pradstaŭlaŭ Biełaruś, admovu BPC ad čytańnia «malitvy ab pieramozie».
«Ja liču heta krokam da raskołu, jaki, jak i viartańnie Biełarusi da «šmatviektarnaści» praduchilić tolki pieramoha Rasii ŭ SVA», — napisaŭ Frałoŭ.
Pavodle jaho słoŭ, udzielniki kruhłaha stała źviarnulisia da patryjarcha Kiryła z prośbaj adnavić čytańnie «malitvy ab pieramozie « ŭ Biełaruskim Ekzarchacie RPC.
Biez palityki i prašeńnia ab pieramozie Rasii. U BPC napisali svaju malitvu ab «adnaŭleńni miru» va Ukrainie
Viciebski archijepiskap atrymaŭ biełaruskaje hramadzianstva i padaryŭ načalniku milicyi knihu pra achviaru represij
«Rodnoj vo sto krat rośsijskij sołdat». U niadzielnaj škole ŭ Hrodnie dzieci pišuć listy rasijskim vajskoŭcam
Łukašenka — kiraŭnictvu BPC: My pamiatajem, jak u 2020 hodzie niekatoryja śviatary zanialisia, miakka kažučy, palitykaj
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj53
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju17
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2424
Kamientary