Stała viadomaja asoba vahnieraŭskaha błohiera Grey Zone z 550 tysiačami padpisčykaŭ, jaki zahinuŭ u Mali
Fota Mikity Fiadzianina pakazali najmity-nieanacysty z DŠRH «Rusič».
Mikitu Fiadzianinu było 29 hadoŭ, rodam jon ź Lipiecka. Źviestak pra jaho niašmat.
Fiadzianin byŭ hiendyrektaram dźviuch kampanij u Maskvie: «Aliveta», jakaja zajmałasia prybirańniem pamiaškańniaŭ i prodažam aŭto, a taksama «Hłobał sistems»,u jakoj byli paznačanyja ažno 68 vidaŭ dziejnaści. Akramia taho, jon byŭ zasnavalnikam jašče dźviuch užo likvidavanych kampanij: «Anit-20» i «Łontas».
Niezrazumieła, ci sprabavaŭ Fiadzianin stvaryć biznes i jon prahareŭ, ci jon byŭ prosta padstaŭnoj asobaj. U apošnich bazach ź miescami pracy jon nazyvaŭ siabie «ajci-śpiecyjalistam» dy «smmščykam», ale heta było ŭžo paśla stvareńnia kanała Grey Zone.
Cikava, što jašče ŭ siaredzinie minułaha hoda ŭ Fiadzianina byli daŭhi, jakija jon čamuści nie hasiŭ — pamieram pryblizna kala $5100.
Fiadzianin zasnavaŭ kanał Grey Zone u 2019 hodzie, mieŭ psieŭdanim «Piacisoty» dy «Bieły». Z adnosna nievialikaha prajekta jon vyras u adzin z najbolšych i ŭpłyvovych pravahnieraŭskich kanałaŭ. Akramia raspalvańnia varožaści i publikacyi zabojstvaŭ ukrainskich vajskoŭcaŭ, hety kanał ź pieršych vusnaŭ aśviatlaŭ miaciež Pryhožyna i vydavaŭ šmat insajdaŭ.
Kanał navat traplaŭ u niamiłaść da rasijskaha hienštaba za zališnie aktyŭnuju krytyku rasijskaha kamandavańnia.
Fiadzianin taksama byŭ vielmi aktyŭny ŭ internet-kamientavańni. Tolki z pačatku hetaha hoda sa svajho asnoŭnaha telehram-akaŭnta jon pakinuŭ pad 30 tysiač paviedamleńniaŭ. Tam jon raskazvaŭ pra słužbu ŭ Afrycy, publikavaŭ roznyja bajki z frontu i žarty.
Tam ža jon taksama šmat krytykavaŭ kamandavańnie, naprykład, pisaŭ, što ŭ płanie apieracyj u tyle ŭkraincy ŭ dziesiać razoŭ pieraŭzychodziać rasijan, chvaliŭ taktyku «Azova». Apošniaje paviedamleńnie ad jaho imieni źjaviłasia 20 lipienia 2024 hoda, u kanale — 23 lipienia 2024 hoda.
Dniami ŭ składzie atrada «Vahniera» Mikita Fiadzianin zahinuŭ padčas zładžanaj tuarehami zasady ŭ Mali. Jahonaje cieła trapiła na videa, jakoje raspaŭsiudžvajecca ŭ internecie. Asobu mužčyny raskryli najmity DŠRH «Rusič», jakija prytrymlivajucca nieanacysckich pohladaŭ.
«Naša Niva» — bastyjon biełaruščyny
PADTRYMAĆKałona vahnieraŭcaŭ trapiła ŭ zasadu tuarehaŭ u Mali. Zahinuŭ Z-błohier Grey Zone z 535 tysiačami padpisčykaŭ
«Znatnyja kilery ŭžo katajucca pa horadzie». U rasijskim SK raskazali pra pamiłavanych Pucinym zabojcaŭ
Pomnik na mahile Pryhožyna ŭ Pieciarburhu ablili biełaj farbaj. A ŭ ruku ŭstavili fałaimitatar FOTAFAKT
Kamientary