Na fonie razvah pra šmurdziak Rasija dazvoliła impartavać vino jašče adnaho biełaruskaha zavoda
Nazvy vinaŭ u dekłaracyjach padobnyja da jeŭrapiejskich, pry hetym paznačana, što jany vyrablenyja ŭ Biełarusi.
Rasijskija ŭłady dazvolili imparcioram uvozić u Rasiju viny jašče adnaho biełaruskaha pradpryjemstva — Mienskaha zavoda pienistych vinaŭ.
Adpaviednyja sieryjnyja dekłaracyi, heta značyć doŭhaterminovyja dazvoły na ŭvoz biełaruskich vinaŭ, znajšoŭ RBK.
Tak, rasijskim kampanijam dazvolili ŭvozić viny «El Kłasika Savińjon Błan», «Kaziere Hlera Ekstra Draj», «El Kłasika Pina Nuar», «Treviła Spumante Ekstra Draj», «Hlera Spumante Ekstra Draj» i «Pałaca del re Spumantie Ekstra Draj». Usiaho imparciory atrymali siem dazvołaŭ na ŭvoz vinaŭ Minskaha zavoda pienistych vinaŭ.
U vieraśni 2023 hoda i ŭ studzieni 2024 hoda kampanija «Juheksim» atrymlivała dekłaracyi na ŭvoz u Rasiju vina Bulgari Winery ad Minskaha zavoda pienistych vinaŭ. Na sajcie imparciora paznačana, što hetyja viny biełaruskija. Pry hetym vino pad anałahičnaj nazvaj vypuskaje vinarobnia, raźmieščanaja ŭ Małdovie.
Rasijskija ekśpierty aceńvajuć abjomy pastavak biełaruskich vinaŭ prykładna ŭ 100 tysiač butelek u hod. Pry hetym jany čaściakom darahija, tamu nie karystajucca šyrokim popytam.
Niadaŭna stała viadoma, što rasijskija kampanii atrymali prava impartavać pradukcyju Minskaha zavoda vinahradnych vinaŭ. Paśla hetaha pradprymalnik, śpiecpradstaŭnik Pucina i kiraŭnik vinnaha doma «Abrau-Diurso» Barys Citoŭ zajaviŭ, što Biełaruś pastaŭlaje ŭ Rasiju šmurdziak — heta značyć niajakasnaje vino z bałka.
U adkaz na Minskim zavodzie vinahradnych vinaŭ zajavili, što spyniać pastaŭki ŭ Rasiju z-za ekanamičnaj niemetazhodnaści.
Minski zavod vinaŭ adkazaŭ Rasii na «šmurdziak» — pastaŭki vina ŭ RF spyniajucca
Ci praŭda, što vino biełaruskaha raźlivu — šmurdziak? «Dy što vy!» — kaža enołah
Biełaruskija viny ŭ Rasii chočuć markiravać nalepkami «heta nie vino»
Śpiecpradstaŭnik Pucina nazvaŭ biełaruskaje vino šmurdziakom i aburyŭsia jaho pastaŭkami ŭ Rasiju
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»16
Kamientary