«Heta ni ŭ jakim razie nie palityčnaje rašeńnie». Makron prakamientavaŭ zatrymańnie Paŭła Durava
Prezident Francyi zajaviŭ, što jahonaja kraina prychilnaja svabodzie słova, a Durava zatrymali ŭ ramkach kryminalnaha rasśledavańnia.
Prezident Francyi Emanuel Makron upieršyniu prakamientavaŭ zatrymańnie zasnavalnika Telegram Paŭła Durava.
Makron napisaŭ u X, što bačyć u internecie šmat chłuślivaj infarmacyi pra Francyju ŭ suviazi z hetym aryštam.
«Francyja bolš za ŭsio imkniecca da svabody vykazvańnia mierkavańniaŭ i kamunikacyi, inavacyj i pradprymalnictva. Tak budzie i dalej. Va ŭmovach viaršenstva zakona, u sacyjalnych sietkach, jak i ŭ realnym žyćci, svabody realizujucca ŭ ramkach, ustanoŭlenych zakonam dla abarony hramadzian i pavahi ich asnoŭnych pravoŭ», — zajaviŭ francuzski prezident.
Pavodle jaho słoŭ, zabieśpiačeńnie vykanańnia zakona źjaŭlajecca abaviazkam sistemy pravasudździa, jakaja vałodaje poŭnaj niezaležnaściu.
«Aryšt prezidenta Telegram na terytoryi Francyi adbyŭsia ŭ ramkach sudovaha rasśledavańnia. Heta nie palityčnaje rašeńnie. Rašeńnie zastajecca za sudździami», — adznačyŭ Makron.
Pavieł Duraŭ byŭ zatrymany ŭ paryžskim aeraporcie 24 žniŭnia. Paviedamlałasia, što zatrymańnie moža być źviazana z tym, što pradprymalnik nie supracoŭničaŭ z pravaachoŭnymi orhanami Francyi pry rasśledavańni złačynstvaŭ, źviazanych z vykarystańniem Telegram, a ŭ samim miesiendžary niama maderacyi. Heta, na dumku pravaachoŭnikaŭ, robić miljardera saŭdzielnikam handlu narkotykami, złačynstvaŭ, źviazanych ź piedafilijaj, i machlarstva.
Piaskoŭ: Sustrečy Durava i Pucina ŭ Baku nie było
Stała viadoma asoba 24-hadovaj dziaŭčyny, jakuju zatrymali razam z Duravym
Telegram vystupiŭ z aficyjnaj zajavaj nakont zatrymańnia Durava
Prapahanda rasčachliła Pratasieviča: toj prakamientavaŭ aryšt Durava, jakoha taksama zatrymali ŭ aeraporcie
Duravu pradoŭžyli termin utrymańnia pad vartaj u Francyi
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary